UPSC Recruitment : യുപിഎസ്സി വിവിധ ഒഴിവുകളിലേക്ക് അപേക്ഷ ക്ഷണിച്ചു; ഏപ്രിൽ 14 ന് മുമ്പ് അപേക്ഷിക്കണം
Synopsis
അപേക്ഷിക്കാനുള്ള അവസാന തീയതി 2022 ഏപ്രിൽ 14. ആകെ 28 ഒഴിവുകളാണുള്ളത്.
ദില്ലി: കേന്ദ്ര മന്ത്രാലയങ്ങളിലെയും സർക്കാർ വകുപ്പുകളിലെയും വിവിധ തസ്തികകളിലേക്ക് യൂണിയൻ പബ്ലിക് സർവീസ് കമ്മീഷൻ (യുപിഎസ്സി) അപേക്ഷ ക്ഷണിച്ചു. താൽപ്പര്യവും യോഗ്യതയുമുള്ള ഉദ്യോഗാർത്ഥികൾക്ക് ഔദ്യോഗിക വെബ്സൈറ്റ് - upsconline.nic.in വഴി അപേക്ഷിക്കാം. അപേക്ഷിക്കാനുള്ള അവസാന തീയതി 2022 ഏപ്രിൽ 14. ആകെ 28 ഒഴിവുകളാണുള്ളത്.
UPSC റിക്രൂട്ട്മെന്റ് 2022: ഒഴിവുകളുടെ വിശദാംശങ്ങൾ
ഡെപ്യൂട്ടി ഡയറക്ടർ ഓഫ് മൈൻസ് സേഫ്റ്റി (ഇലക്ട്രിക്കൽ) - 8 തസ്തികകൾ
അസിസ്റ്റന്റ് ഡയറക്ടർ ഗ്രേഡ്-II (സാമ്പത്തിക അന്വേഷണം) - 15 തസ്തികകൾ
സീനിയർ ലക്ചറർ (ഓഫ്താൽമോളജി) - 2 തസ്തികകൾ
അസിസ്റ്റന്റ് എഞ്ചിനീയർ (സിവിൽ)/അസിസ്റ്റന്റ് സർവേയർ ഓഫ് വർക്ക്സ് (സിവിൽ) - 3 തസ്തികകൾ
ഒഴിവുകളിലേക്ക് അപേക്ഷിക്കാനുള്ള പ്രായപരിധി
ഡെപ്യൂട്ടി ഡയറക്ടർ ഓഫ് മൈൻസ് സേഫ്റ്റി (ഇലക്ട്രിക്കൽ) - 40 വയസ്സ്
അസിസ്റ്റന്റ് ഡയറക്ടർ ഗ്രേഡ്-II (എക്കണോമിക് ഇൻവെസ്റ്റിഗേഷൻ) - 30 വയസ്സ്
സീനിയർ ലക്ചറർ (ഓഫ്താൽമോളജി) - 50 വയസ്സ്
അസിസ്റ്റന്റ് എഞ്ചിനീയർ (സിവിൽ)/അസിസ്റ്റന്റ് സർവേയർ ഓഫ് വർക്ക്സ് (സിവിൽ) - 33 വയസ്സ്
താൽപ്പര്യമുള്ള യോഗ്യരായ ഉദ്യോഗാർത്ഥികൾക്ക് എസ്ബിഐയുടെ ഏതെങ്കിലും ശാഖയിൽ പണം അയച്ചുകൊണ്ടോ എസ്ബിഐയുടെ നെറ്റ് ബാങ്കിംഗ് സൗകര്യം ഉപയോഗിച്ചോ വിസ/മാസ്റ്റർ ക്രെഡിറ്റ്/ഡെബിറ്റ് കാർഡ് ഉപയോഗിച്ചോ അപേക്ഷാ ഫീസ് 25 രൂപ അടയ്ക്കാം. ഏതെങ്കിലും കമ്മ്യൂണിറ്റിയിലെ SC/ST/PwBD/വനിതാ ഉദ്യോഗാർത്ഥികൾക്ക് അപേക്ഷാ ഫീസ് അടയ്ക്കുന്നതിൽ നിന്നും ഇളവുണ്ട്.