കേന്ദ്ര/സംസ്ഥാന സർവീസിലുള്ള ഉദ്യോഗസ്ഥർ അപേക്ഷ കേഡർ കൺട്രോളിംഗ് അതോറിറ്റി മുഖേന അയയ്ക്കണം. ന്യൂനതകളുള്ളതോ വൈകി കിട്ടിയതോ ആയ അപേക്ഷകൾ പരിഗണിക്കില്ല.
തിരുവനന്തപുരം: സംസ്ഥാന സർക്കാർ ജീവനക്കാരുടെ സർവീസ് പ്രശ്‌നങ്ങൾ സംബന്ധിച്ച കേസുകൾ കൈകാര്യം ചെയ്യുന്ന കേരള അഡ്മിനിസ്‌ട്രേറ്റീവ് ട്രൈബ്യൂണലിൽ (Kerala Administrative tribunal) ജുഡിഷ്യൽ മെമ്പറുടെ (Judicial members) രണ്ട് ഒഴിവുകളിൽ നിയമനം നടത്തുന്നതിന് അപേക്ഷ ക്ഷണിച്ചു. യോഗ്യത, അപേക്ഷാഫോമിന്റെ മാതൃക എന്നിവ സംബന്ധിച്ച വിവരം www.gad.kerala.gov.in, www.prd.kerala.gov.in, www.highcourtofkerala.nic.in, www.keralaadministrativetribunal.gov.in എന്നീ വെബ്‌സൈറ്റുകളിൽ ലഭിക്കും. കേന്ദ്ര/സംസ്ഥാന സർവീസിലുള്ള ഉദ്യോഗസ്ഥർ അപേക്ഷ കേഡർ കൺട്രോളിംഗ് അതോറിറ്റി മുഖേന അയയ്ക്കണം. ന്യൂനതകളുള്ളതോ വൈകി കിട്ടിയതോ ആയ അപേക്ഷകൾ പരിഗണിക്കില്ല.
അപേക്ഷ 2022 ജനുവരി 6 ന് വൈകിട്ട് 5 വരെ സ്വീകരിക്കും. അപേക്ഷകൾ പ്രിൻസിപ്പൽ സെക്രട്ടറി, പൊതുഭരണ വകുപ്പ്, ഗവൺമെന്റ് സെക്രട്ടേറിയറ്റ്, തിരുവനന്തപുരം - 695 001 എന്ന വിലാസത്തിൽ അയയ്ക്കണം. അപേക്ഷ അയയ്ക്കുന്ന കവറിന്റെ പുറത്ത് 'Application for the post of Judicial Members in Kerala Administrative Tribunal' എന്ന് എഴുതണം. ഈ തസ്തികയിൽ പുനർനിയമനം ആഗ്രഹിക്കുന്നവരും മുൻപ് അപേക്ഷിച്ചവരും വീണ്ടും അപേക്ഷിക്കണം.