കുടല് ക്യാന്സറും കാരണങ്ങളും..
Synopsis
മുപ്പതിനും നാൽപതിനും വയസിനിടയിലുള്ളവരിലാണ് കുടലിലെ ക്യാന്സര് കൂടുതലായി കണ്ട് വരുന്നത്.
ഇന്ന് യുവാക്കള്ക്കിടയില് കുടലിലെ ക്യാന്സര് വർധിക്കുന്നതായാണ് റിപ്പോർട്ടുകൾ. ജീവിതശൈലിയിലുണ്ടായ മാറ്റങ്ങളും പാരിസ്ഥിതിക പ്രശ്നങ്ങളുമാണ് കുടലിലെ ക്യാന്സര് വര്ധിക്കാനുള്ള കാരണം. ഇതിന് പുറമെ പാരമ്പര്യമായി ഈ രോഗം പിടിപെടുന്നവരുമുണ്ട്. ദഹനമില്ലായ്മയും രക്തസ്രാവവും ശരീരഭാരം ക്രമാതീതമായി കുറയുകയും ചെയ്യുന്നതാണ് പ്രധാന രോഗലക്ഷണങ്ങള്. എന്നാല് പലപ്പോഴും ഉദരസംബന്ധമായ മറ്റുരോഗങ്ങളാണെന്ന് കരുതി ചികിത്സ വൈകുന്നത് അപകടകരമാണ്.
കുടലിലെ മുഴകള് പരിശോധനയിലൂടെ കണ്ടെത്താന് കഴിയുകയും ശസ്ത്രക്രിയയിലൂടെ നീക്കം ചെയ്യാനും സാധിക്കും.എന്നാല് സാധാരണയായി പലരും കൃത്യമായി ചികിത്സ തേടാറില്ല. അതിനാല് തന്നെ മാസങ്ങള് കഴിയും രോഗം തിരിച്ചറിയാന്. മുപ്പതിനും നാൽപതിനും വയസിനിടയിലുള്ളവരിലാണ് കുടലിലെ ക്യാന്സര് കൂടുതലായി കണ്ട് വരുന്നത്.
കുടലിലെ ക്യാന്സര് ബാധിച്ചവരിൽ ശാസ്ത്രക്രിയയ്ക്കും കീമോതെറാപ്പിക്കും ശേഷം നട്സ് പതിവായി കഴിച്ചാൽ അർബുദം വീണ്ടും വരാനുള്ള സാധ്യത കുറവാണെന്ന് ഗവേഷകർ നടത്തിയ പഠനത്തിൽ പറയുന്നു.