ഓസീസ് വമ്പൊടിച്ച് ബംഗ്ലാദേശ്; ഏഷ്യൻ ടീമുകളിൽ ഇന്ത്യക്കും പാകിസ്ഥാനും ശ്രീലങ്കക്കും പോലുമില്ലാത്ത അപൂർവ നേട്ടം
Synopsis
ഓസ്ട്രേലിയൻ മണ്ണിൽ തങ്ങളുടെ മൂന്നാമത്തെ മാത്രം ടെസ്റ്റ് മത്സരത്തിലാണ് ബംഗ്ലാദേശ് ഈ ചരിത്ര വിജയം സ്വന്തമാക്കിയത്.
ഡാർവിൻ: ഓസ്ട്രേലിയക്കെതിരായ ഒന്നാം ടെസ്റ്റിൽ 9 വിക്കറ്റിന്റെ ചരിത്ര വിജയം നേടിയതോടെ അപൂർവ്വ റെക്കോർഡുകൾ സ്വന്തമാക്കി ബംഗ്ലാദേശ് ക്രിക്കറ്റ് ടീം. ഇന്ത്യയെയും പാകിസ്ഥാനെയും ശ്രീലങ്കയെയും പിന്തള്ളി ഓസ്ട്രേലിയൻ മണ്ണിൽ ഏറ്റവും വേഗത്തിൽ കന്നി ടെസ്റ്റ് വിജയം നേടുന്ന ഏഷ്യൻ രാജ്യമായി ബംഗ്ലാദേശ് മാറി.
ഓസ്ട്രേലിയൻ മണ്ണിൽ തങ്ങളുടെ മൂന്നാമത്തെ മാത്രം ടെസ്റ്റ് മത്സരത്തിലാണ് ബംഗ്ലാദേശ് ഈ ചരിത്ര വിജയം സ്വന്തമാക്കിയത്. ഓസീസിൽ കന്നി ജയം സ്വന്തമാക്കാൻ പാകിസ്ഥാന് 7 ടെസ്റ്റുകളും ഇന്ത്യയ്ക്ക് 12 ടെസ്റ്റുകളും വേണ്ടിവന്ന സ്ഥാനത്താണ് വെറും 3 മത്സരങ്ങളിൽ നിന്ന് ബംഗ്ലാദേശ് ഈ നേട്ടം സ്വന്തമാക്കിയത്. 15 ടെസ്റ്റുകൾ കളിച്ചിട്ടും ശ്രീലങ്കയ്ക്ക് ഇതുവരെ ഓസ്ട്രേലിയൻ മണ്ണിൽ ഒരു ജയം പോലും നേടാനായിട്ടില്ല എന്നതും ബംഗ്ലാദേശിന്റെ നേട്ടത്തിന് തിളക്കമേറ്റുന്നു.
ഈ വിജയത്തോടെ മറ്റൊരു അപൂർവ്വ റെക്കോർഡും ബംഗ്ലാദേശ് സ്വന്തമാക്കി. 1995-ന് ശേഷം ആദ്യമായാണ് ഇന്ത്യക്ക് പിന്നാലെ ഓസ്ട്രേലിയയെ ഓസ്ട്രേലിയയില് തോല്പിക്കുന്ന ആദ്യ ടീമായി ബംഗ്ലാദേശ്. 31 വർഷമായി തുടർന്ന ഓസീസിന്റെ ആധിപത്യമാണ് ഡാർവിനിൽ ബംഗ്ലാദേശ് അവസാനിപ്പിച്ചത്.
Bangladesh defeated Australia in a Test match on Australian soil for the first time.#AUSvBAN pic.twitter.com/xoMbY6xJJw
— CAPTAIN SUII 🐐 (@VKBA1856) August 16, 2026
വിക്കറ്റുകളുടെ അടിസ്ഥാനത്തിൽ ബംഗ്ലാദേശിന്റെ ടെസ്റ്റ് ചരിത്രത്തിലെ രണ്ടാമത്തെ ഏറ്റവും വലിയ രണ്ടാമത്തെ ജയം കൂടിയാണിത്. 2024-ൽ റാവൽപിണ്ടിയിൽ പാകിസ്ഥാനെതിരെ നേടിയ 10 വിക്കറ്റ് വിജയമാണ് വിക്കറ്റ് കണക്കിൽ ഇവരുടെ ഏറ്റവും വലിയ ജയം. കൂടാതെ ദക്ഷിണാഫ്രിക്ക, ഇംഗ്ലണ്ട്, ന്യൂസിലൻഡ്, ഓസ്ട്രേലിയ ഉൾപ്പെടുന്ന 'സേന' രാജ്യങ്ങളിൽ ബംഗ്ലാദേശ് നേടുന്ന രണ്ടാമത്തെ മാത്രം ടെസ്റ്റ് ജയമാണിത്. 2022-ൽ ന്യൂസിലൻഡിലെ മൗണ്ട് മൗംഗനൂയിയിൽ നേടിയ വിജയമായിരുന്നു ഇതിനുമുമ്പ് സെന രാജ്യങ്ങളിലെ ബംഗ്ലാദേശിന്റെ ആദ്യ ജയം. ഓസ്ട്രേലിയക്കെതിരെ കളിച്ച ഏഴ് ടെസ്റ്റ് മത്സരങ്ങളിൽ ബംഗ്ലാദേശിന്റെ രണ്ടാമത്തെ മാത്രം ജയമാണിത്. 2017-ൽ മിർപൂരിൽ വെച്ചായിരുന്നു ഓസീസിനെതിരെയുള്ള ബംഗ്ലാദേശിന്റെ ആദ്യ ജയം.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!