ഓസ്ട്രേലിയക്കും ദക്ഷിണാഫ്രിക്കക്കും എതിരായ ടി20 പരമ്പര, മത്സരക്രമം പുറത്തുവിട്ട് ബിസിസിഐ
Synopsis
സെപ്റ്റംബര് 28ന് തിരുവനന്തപുരത്തെ ഗ്രീന്ഫീല്ഡ് സ്റ്റേഡിയത്തിലാണ് ദക്ഷിണാഫ്രിക്കക്കെതിരായ ടി20 പരമ്പരയിലെ ആദ്യ മത്സരം. 2019ല് ആണ് കാര്യവട്ടം സ്റ്റേഡിയത്തില് അവസാന രാജ്യാന്തര മത്സരം നടന്നത്. ഇന്ത്യയും വെസ്റ്റ് ഇന്ഡീസും തമ്മില് നടന്ന മത്സരത്തില് വെസ്റ്റ് ഇന്ഡീസ് ജയിച്ചിരുന്നു.
മുംബൈ: ഈ മാസം അവസാനം ആരംഭിക്കുന്ന ഏഷ്യാ കപ്പിനുശേഷം അടുത്ത മാസം നടക്കുന്ന ഓസ്ട്രേലിയക്കും ദക്ഷിണാഫ്രിക്കക്കുമെതിരായ ടി20 പരമ്പരകളുടെ വിശദമായ മത്സരക്രമം പുറത്തുവിട്ട് ബിസിസിഐ. ഒക്ടോബര്-നവംബര് മാസങ്ങളില് ഓസ്ട്രേലിയയില് നടക്കുന്ന ടി20 ലോകകപ്പിന്റെ മുന്നൊരുക്കമെന്ന നിലയിലാണ് ഓസ്ട്രേലിയക്കും ദക്ഷിണാഫ്രിക്കക്കുമെതിരെ ഇന്ത്യ മൂന്ന് മത്സരങ്ങളടങ്ങിയ ടി20 പരമ്പര കളിക്കുന്നത്.
അടുത്ത മാസം 11ന് ഏഷ്യാ കപ്പ് കഴിഞ്ഞ ശേഷം ഒരാഴ്ചത്തെ ഇടവേളയാണ് ഈ രണ്ടു പരമ്പരകള്ക്കിടയിലുള്ളത് സെപ്റ്റംബര് 20ന് മൊഹാലിയിലാണ് ഓസ്ട്രേലിയക്കെതിരായ ടി20 പരമ്പരയിലെ ആദ്യ മത്സരം. രണ്ടാം മത്സരം സെപ്റ്റംബര് 23ന് നാഗ്പൂരില് നടക്കും. 25ന് ഹൈദരാബാദില് നടക്കുന്ന മത്സരത്തോടെ ഓസീസിനെതിരായ പരമ്പര പൂര്ത്തിയാവും.
സെപ്റ്റംബര് 28ന് തിരുവനന്തപുരത്തെ ഗ്രീന്ഫീല്ഡ് സ്റ്റേഡിയത്തിലാണ് ദക്ഷിണാഫ്രിക്കക്കെതിരായ ടി20 പരമ്പരയിലെ ആദ്യ മത്സരം. 2019ല് ആണ് കാര്യവട്ടം സ്റ്റേഡിയത്തില് അവസാന രാജ്യാന്തര മത്സരം നടന്നത്. ഇന്ത്യയും വെസ്റ്റ് ഇന്ഡീസും തമ്മില് നടന്ന മത്സരത്തില് വെസ്റ്റ് ഇന്ഡീസ് ജയിച്ചിരുന്നു.
ഏഷ്യാ കപ്പില് കോലിയെ ഓപ്പണറായി കണ്ടേക്കാം; വമ്പന് പ്രവചനവുമായി പാര്ഥീവ് പട്ടേല്
രണ്ടാം ടി20 ഒക്ടോബര് രണ്ടിന് ഗോഹട്ടിയില് നടക്കും. മൂന്നാം ടി20 മൂന്നിന് ഇന്ഡോറില് ആയിരിക്കും നടക്കുക. ടി20 ലോകകപ്പിന് തൊട്ടു മുമ്പ് ദക്ഷിണാഫ്രിക്കക്കെതിരെ മൂന്ന് ഏകദിനങ്ങളടങ്ങിയ പരമ്പരയിലും ഇന്ത്യ കളിക്കുന്നുണ്ട്. ഒക്ടോബര് ആറിന് ലക്നോവിലാണ് ആദ്യ ഏകദിന, ഒമ്പതിന് രണ്ടാം ഏകദിനം റാഞ്ചിയിലും 11ന് മൂന്നാം ഏകദിനം ഡല്ഹിയിലും നടക്കും. ഇതിനുശേഷം ടി20 ലോകകപ്പിനായി ഇന്ത്യന് ടീം ഓസ്ട്രേലിയയിലേക്ക് പോകും. ഒക്ടോബര് 23ന് പാക്കിസ്ഥാനെതിരെ ആണ് ടി20 ലോകകപ്പിലെ ഇന്ത്യയുടെ ആദ്യ മത്സരം. മെല്ബണിലാണ് മത്സരം നടക്കുക.
കഴിഞ്ഞ ടി20 ലോകകപ്പിലും പാക്കിസ്ഥാനെതിരെ ആയിരുന്നു ഇന്ത്യയുടെ ആദ്യ മത്സരം. ആദ്യ മത്സരത്തില് പാക്കിസ്ഥാനോടേറ്റ തോല്വി ഇന്ത്യ സെമി കാണാതെ പുറത്താകാന് കാരണമാകുകയും ചെയ്തു.
മൂന്ന് വര്ഷത്തിനുശേഷമാണ് കേരളത്തില് വീണ്ടും രാജ്യാന്തര ക്രിക്കറ്റ് മത്സരം വിരുന്നെത്തുന്നത്. 2019ല് കാര്യവട്ടത്ത് വെസ്റ്റ് ഇന്ഡീസിനെതിരെ നടന്ന ടി20 പോരാട്ടത്തില് ആദ്യം ബാറ്റ് ചെയ്ത ഇന്ത്യ ശിവം ദുബെയുടെ അര്ധസെഞ്ചുറി മികവില് 20 ഓവറില് ഏഴ് വിക്കറ്റ് നഷ്ടത്തില് 170 റണ്സടിച്ചപ്പോള് ലെന്ഡല് സിമണ്സിന്റെ അര്ധസെഞ്ചുറി മികവില് വിന്ഡീസ് 18.3 ഓവറില് രണ്ട് വിക്കറ്റ് നഷ്ടത്തില് ലക്ഷ്യത്തിലെത്തി.