നമൻ ധിറിന് അരങ്ങേറ്റം, റുതുരാജ് തിരിച്ചെത്തി, സിറാജ് പുറത്ത്, കാര്യവട്ടത്ത് വെസ്റ്റ് ഇന്ഡീസിനെതിരെ ഇന്ത്യക്ക് നിര്ണായക ടോസ്
Synopsis
നാലാം നമ്പറില് ശ്രേയസ് അയ്യരുടെ അഭാവത്തില് റുതുരാജ് ഗെയ്ക്വാദ് ഇന്ത്യയുടെ പ്ലേയിംഗ് ഇലവനിലെത്തി.കെ എൽ രാഹുല് വിക്കറ്റ് കീപ്പറായി തുടരുമ്പോള് നമൻ ധിര്, രവീന്ദ്ര ജഡേജ, നിതീഷ് കുമാർ റെഡ്ഡി എന്നിവരാണ് ഓള് റൗണ്ടര്മാര്.
തിരുവനന്തപുരം: വെസ്റ്റ് ഇന്ഡീസിനെതിരായ ഏകദിന പരമ്പരയിലെ ആദ്യ മത്സരത്തില് ടോസ് നേടയ ഇന്ത്യ ബൗളിംഗ് തെരഞ്ഞെടുത്തു. ഓള് റൗണ്ടര് നമൻ ധിറും ഇന്ത്യക്കായി അരങ്ങേറ്റം കുറിക്കുമ്പോള് ക്യാപ്റ്റൻ ശുഭ്മാന് ഗില്ലും രോഹിത് ശര്മയും തന്നെയാണ് ഇന്ത്യയുടെ ഓപ്പണര്മാര്. ഗില് ഓപ്പണറായി മടങ്ങിയെത്തിയതോടെ യശസ്വി ജയ്സ്വാള് പ്ലേയിംഗ് ഇലവനില് നിന്ന് പുറത്തായി. നാലു ബൗളര്മാരും രണ്ട് ഓള് റൗണ്ടര്മാരും എന്ന ബൗളിംഗ് കോംബിനേഷനാണ് ഇന്ത്യ തെരഞ്ഞെടുത്തത്.
നാലാം നമ്പറില് ശ്രേയസ് അയ്യരുടെ അഭാവത്തില് റുതുരാജ് ഗെയ്ക്വാദ് ഇന്ത്യയുടെ പ്ലേയിംഗ് ഇലവനിലെത്തി.കെ എൽ രാഹുല് വിക്കറ്റ് കീപ്പറായി തുടരുമ്പോള് നമൻ ധിര്, രവീന്ദ്ര ജഡേജ, നിതീഷ് കുമാർ റെഡ്ഡി എന്നിവരാണ് ഓള് റൗണ്ടര്മാര്.മുഹമ്മദ് സിറാജ് പ്ലേയിംഗ് ഇലവനില് നിന്ന് പുറത്തായപ്പോള് ഗുര്നൂര് ബ്രാറും പ്രസിദ്ധ് കൃഷ്ണയുമാണ് പേസര്മാരായി ടീമിലെത്തിയത്.കുല്ദീപ് യാദവും രണ്ടാം സ്പിന്നറായി ടീമിലുണ്ട്. തിരുവനന്തപുരത്തെ കാര്യവട്ടം ഗ്രീന്ഫീല്ഡ് സ്റ്റേഡിയത്തില് നടക്കുന്ന മൂന്നാമത്തെ ഏകദിന മത്സരമാണിത്.
വെസ്റ്റ് ഇൻഡീസ് പ്ലേയിംഗ് ഇലവൻ: ജോൺ കാംപ്ബെൽ, ജസ്റ്റിൻ ഗ്രീവ്സ്, കീസി കാർത്തി, ഷായ് ഹോപ്പ് (വിക്കറ്റ് കീപ്പർ/ക്യാപ്റ്റൻ), ആമിർ ജംഗൂ, ജുവൽ ആൻഡ്രൂ, റോസ്റ്റൺ ചേസ്, മാത്യു ഫോർഡ്, ഗൂഡാകേഷ് മോട്ടി, അൽസാരി ജോസഫ്, ജെയ്ഡൻ സീൽസ്.
#TeamIndia's Playing XI that will take the field today 🙌
Updates ▶️ https://t.co/O2cs86p4gq#INDvWI pic.twitter.com/JBXg1CJXoC— BCCI (@BCCI) September 27, 2026
ഇന്ത്യ പ്ലേയിംഗ് ഇലവൻ: രോഹിത് ശർമ്മ, ശുഭ്മൻ ഗിൽ (ക്യാപ്റ്റൻ), വിരാട് കോഹ്ലി, ഋതുരാജ് ഗെയ്ക്വാദ്, കെ. എൽ. രാഹുൽ (വിക്കറ്റ് കീപ്പർ), നമൻ ധീർ, രവീന്ദ്ര ജഡേജ, നിതീഷ് കുമാർ റെഡ്ഡി, ഗുർനൂർ ബ്രാർ, കുൽദീപ് യാദവ്, പ്രസിദ്ധ് കൃഷ്ണ.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!