എല്ലിസ് പെറിക്ക് വനിത ടി20 ലോകകപ്പ് നഷ്ടമാകും; ഓസീസിന് കനത്ത തിരിച്ചടി
Synopsis
വനിത ടി20 ലോകകപ്പിന്റെ സെമി ഫൈനലിനൊരുങ്ങുന്ന ഓസ്ട്രേലിയക്ക് കനത്ത തിരിച്ചടി. അവരുടെ സീനിയര് താരം എല്ലിസ് പെറിയുടെ സേവനം ശേഷിക്കുന്ന മത്സരങ്ങളില് ലഭിക്കില്ല.
മെല്ബണ്: വനിത ടി20 ലോകകപ്പിന്റെ സെമി ഫൈനലിനൊരുങ്ങുന്ന ഓസ്ട്രേലിയക്ക് കനത്ത തിരിച്ചടി. അവരുടെ സീനിയര് താരം എല്ലിസ് പെറിയുടെ സേവനം ശേഷിക്കുന്ന മത്സരങ്ങളില് ലഭിക്കില്ല. കാല്ത്തുടയ്ക്കേറ്റ പരിക്കാണ് താരത്തിന് വിനയായത്. ഗ്രൂപ്പ് ഘട്ടത്തില് ന്യൂസിലന്ഡിനെതിരെ കളിക്കുമ്പോഴും താരം പരിക്കിന്റെ പിടിയിലായിരുന്നു. എന്നിട്ടും താരത്തെ കളിപ്പിക്കാന് തീരുമാനിച്ചു.
ന്യൂസിലന്ഡിനെതിരെ ഫീല്ഡ് ചെയ്യുമ്പോഴാണ് താരത്തിന് പരിക്കേറ്റത്. മിഡ് ഓഫില് പന്തെടുത്ത് ന്യൂസിലന്ഡ് താരം സോഫി ഡിവൈനെ റണ്ണൗട്ടാക്കാന് ശ്രമിക്കുമ്പോഴാണ് നിയന്ത്രണം വിടുകയായിരുന്നു. ഉടനെ താരത്തെ ഗ്രൗണ്ടില് നിന്ന് പുറത്തേക്ക് കൊണ്ടുപോയി. പിന്നീട് ഇറങ്ങാന് കഴിഞ്ഞിരുന്നില്ല.
മാര്ച്ച് അഞ്ചിനാണ് സെമി ഫൈനല്. ഗ്രൂപ്പ് ബിയില് ഒന്നാം സ്ഥാനം നേടുന്ന ടീമിനെയാണ് സെമിയില് ഓസീസ് നേരിടുക.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!