ടോസ് നഷ്ടപ്പെട്ട് ബാറ്റിംഗ് ആരംഭിച്ച ഇന്ത്യയ്ക്ക് നിശ്ചിത ഓവറില്‍ എട്ട് വിക്കറ്റ് നഷ്ടത്തില്‍ 111 റണ്‍സെടുക്കാനേ കഴിഞ്ഞുള്ളൂ.
ഗുവാഹത്തി: ഇംഗ്ലണ്ടിനെതിരെ നിര്‍ണായക രണ്ടാം ടി20യില്‍ ഇന്ത്യന്‍ വനിതകള്‍ക്ക് ബാറ്റിംഗ് തകര്‍ച്ച. ടോസ് നഷ്ടപ്പെട്ട് ബാറ്റിംഗ് ആരംഭിച്ച ഇന്ത്യയ്ക്ക് നിശ്ചിത ഓവറില്‍ എട്ട് വിക്കറ്റ് നഷ്ടത്തില്‍ 111 റണ്‍സെടുക്കാനേ കഴിഞ്ഞുള്ളൂ. 20 റണ്‍സെടുത്ത മിതാലി രാജാണ് ഇന്ത്യയുടെ ടോപ് സ്‌കോറര്‍. ഇംഗ്ലണ്ടിനായി കാതറിന്‍ മൂന്നും ലിന്‍സി രണ്ടും വിക്കറ്റ് വീഴ്ത്തി.
ഇന്ത്യയുടെ തുടക്കം തകര്‍ച്ചയോടെയായിരുന്നു. 34 റണ്‍സ് കൂട്ടിച്ചേര്‍ക്കുന്നതിനിടെ മൂന്ന് വിക്കറ്റ് നഷ്ടമായി. മന്ഥാന(12), ജെമീമ(2), ഹര്‍ലീന്‍(14) എന്നിങ്ങനെയായിരുന്നു സ്‌കോര്‍. ദീപ്തി ശര്‍മ്മ(18), മിതാലി രാജ്(20), ശിഖാ പാണ്ഡെ(3), ടനിയ ഭാട്ട്യ(1), ഭാരതി(18) എന്നിങ്ങനെയായിരുന്നു പിന്നീട് വന്നവരുടെ സ്‌കോര്‍. രാധയും(3) ഏക്തയും(2) പുറത്താകാതെ നിന്നു. ഇന്ന് വിജയിച്ചില്ലെങ്കില്‍ ഇന്ത്യക്ക് പരമ്പര നഷ്ടമാകും.