ഓവല് ടെസ്റ്റിലും ഇംഗ്ലണ്ടിന് നിർണായക ടോസ്, 4 മാറ്റങ്ങളുമായി ഇന്ത്യ, കരുണ് നായര് തിരിച്ചെത്തി; ജസ്പ്രീത് ബുമ്രക്ക് വിശ്രമം
Synopsis
മാഞ്ചസ്റ്ററില് നാലാം ടെസ്റ്റില് കളിച്ച ടീമില് ഇന്ത്യയും നാല് മാറ്റങ്ങള് വരുത്തി. സായ് സുദര്ശന് ടീമില് സ്ഥാനം നിലനിര്ത്തിയപ്പോള് ഷാര്ദ്ദുല് താക്കൂറിന് പകരം കരുണ് നായര് പ്ലേയിംഗ് ഇലവനില് തിരിച്ചെത്തി.
ഓവല്: തുടര്ച്ചയായ അഞ്ചാം ക്രിക്കറ്റ് ടെസ്റ്റിലും ഇന്ത്യക്കെതിരെ ഇംഗ്ലണ്ടിന് ടോസ്. ഇന്ത്യക്കെതിരെ ടോസ് ജയിച്ച ഇംഗ്ലണ്ട് നായകന് ഒല്ലി പോപ്പ് ഫീല്ഡിംഗ് തെരഞ്ഞെടുത്തു. മഴയും മൂടിക്കെട്ടിയ അന്തരീക്ഷവുമായതിനാലാണ് ടോസ് നേടിയ ഇംഗ്ലണ്ട് ബൗളിംഗ് തെരഞ്ഞെടുത്തത്. ഓവലില് ടോസിന് മുമ്പ് വരെ മഴ പെയ്തിരുന്നു.
കഴിഞ്ഞ മത്സരം കളിച്ച ടീമില് നാലു മാറ്റങ്ങളുമായാണ് ഇംഗ്ലണ്ട് ഇന്നിറങ്ങുന്നത്. ക്യാപ്റ്റന് ബെന് സ്റ്റോക്സിന് പരിക്കേറ്റതിനാല് ഒല്ലി പോപ്പ് ആണ് ഇന്ന് ഇംഗ്ലണ്ടിനെ നയിക്കുന്നത്. പേസര് ജോഫ്ര ആര്ച്ചറും സ്പിന്നര് ലിയാം ഡോസണും ബ്രെയ്ഡന് കാര്സും ഇംഗ്ലണ്ടിന്റെ പ്ലേയിംഗ് ഇലവനിലില്ല. ജോഷ് ടംഗും ജാമി ഓവര്ടണും ബെഥേലുമാണ് ഇംഗ്ലണ്ടിന്റെ പ്ലേയിംഗ് ഇളവനിലെത്തിയത്.
മാഞ്ചസ്റ്ററില് നാലാം ടെസ്റ്റില് കളിച്ച ടീമില് ഇന്ത്യയും നാല് മാറ്റങ്ങള് വരുത്തി. സായ് സുദര്ശന് ടീമില് സ്ഥാനം നിലനിര്ത്തിയപ്പോള് ഷാര്ദ്ദുല് താക്കൂറിന് പകരം കരുണ് നായര് പ്ലേയിംഗ് ഇലവനില് തിരിച്ചെത്തി. പേസര് ജസ്പ്രീത് ബുുമ്രക്ക് വിശ്രമം അവുദിച്ചപ്പോള് പകരം ആകാശ് ദീപ് ഇന്ത്യയുടെ പ്ലേയിംഗ് ഇലവനിലെത്തി. അന്ഷുല് കാംബോജിന് പകരം പ്രസിദ്ധ് കൃഷ്ണയും റിഷഭ് പന്തിന് പകരം ധ്രുവ് ജുറെലും ഇന്ന് ഇന്ത്യയുടെ പ്ലേയിംഗ് ഇലവനിലുള്ളത്.
ഇംഗ്ലണ്ട് പ്ലേയിംഗ് ഇലവൻ: സാക്ക് ക്രാളി, ബെൻ ഡക്കറ്റ്, ഒല്ലി പോപ്പ് (ക്യാപ്റ്റൻ), ജോ റൂട്ട്, ഹാരി ബ്രൂക്ക്, ജേക്കബ് ബെഥേൽ, ജാമി സ്മിത്ത്, ക്രിസ് വോക്സ്, ഗുസ് അറ്റ്കിൻസൺ, ജാമി ഓവർട്ടൺ, ജോഷ് ടംഗ്
ഇന്ത്യ പ്ലേയിംഗ് ഇലവൻ: യശസ്വി ജയ്സ്വാൾ, കെ എൽ രാഹുൽ, സായ് സുദർശൻ, ശുഭ്മാൻ ഗിൽ (ക്യാപ്റ്റൻ), കരുൺ നായർ, രവീന്ദ്ര ജഡേജ, ധ്രുവ് ജൂറൽ, വാഷിംഗ്ടൺ സുന്ദർ, ആകാശ് ദീപ്, പ്രസിദ് കൃഷ്ണ, മുഹമ്മദ് സിറാജ്.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!