'യുവതാരങ്ങള്ക്ക് അവസരം നല്കണമായിരുന്നു'; അഫ്ഗാനെതിരെ മുന്നിര ടീമിനെ തെരഞ്ഞെടുത്തതിനെതിരെ മുന് താരം
Synopsis
അഫ്ഗാനിസ്ഥാനെതിരായ ടി20 പരമ്പരയിൽ മുൻനിര ടീമിനെ തിരഞ്ഞെടുത്ത ബിസിസിഐ സെലക്ടർമാരെ മുൻ ഇന്ത്യൻ താരം കൃഷ്ണാചാരി ശ്രീകാന്ത് വിമർശിച്ചു. മുൻ തോൽവികളോടുള്ള ഭയമാണ് ഈ തീരുമാനത്തിന് പിന്നിലെന്നും യുവതാരങ്ങൾക്ക് അവസരം നൽകേണ്ടതായിരുന്നുവെന്നും അദ്ദേഹം അഭിപ്രായപ്പെട്ടു. ടീമിലെ ചില താരങ്ങളുടെ ഫിറ്റ്നസിനെയും അദ്ദേഹം ചോദ്യം ചെയ്തു.
ചെന്നൈ: അഫ്ഗാനിസ്ഥാനെതിരായ ടി20 പരമ്പരയ്ക്കായി ബിസിസിഐ സെലക്ടര്മാര് മുന്നിര താരങ്ങള് ഉള്പ്പെടുന്ന ടീമിനെ തിരഞ്ഞെടുത്തതിനെതിരെ മുന് ഇന്ത്യന് താരം കൃഷ്ണാചാരി ശ്രീകാന്ത്. അയര്ലന്ഡിനും ഇംഗ്ലണ്ടിനുമെതിരായ പരമ്പരകളിലെ തോല്വികള്ക്ക് ശേഷം ഭയം കാരണമാണ് സെലക്ടര്മാര് ഇത്തരം ഒരു തീരുമാനം എടുത്തതെന്നും, അഫ്ഗാനിസ്ഥാനെപ്പോലുള്ള ടീമുകള്ക്കെതിരെയാണ് യുവതാരങ്ങള്ക്ക് അവസരം നല്കേണ്ടിയിരുന്നതെന്നും അദ്ദേഹം അഭിപ്രായപ്പെട്ടു. തന്റെ യൂട്യൂബ് ചാനലിലൂടെയാണ് ശ്രീകാന്ത് ഈ വിമര്ശനം ഉന്നയിച്ചത്.
അയര്ലന്ഡിനെതിരെയുള്ള ടി20 പരമ്പരയിലും ഇംഗ്ലണ്ടിനെതിരെയുള്ള പരമ്പരയിലും ഇന്ത്യ തോല്വികള് വഴങ്ങിയിരുന്നു. എന്നാല് അതിനുശേഷം സിംബാബ്വെയ്ക്കെതിരായ പരമ്പര ഇന്ത്യ തൂത്തുവാരിയിരുന്നു. എങ്കിലും മുന്നിര താരങ്ങളെത്തന്നെ അഫ്ഗാനിസ്ഥാനെതിരെയും നിലനിര്ത്തിയത് തിടുക്കത്തിലുള്ള തീരുമാനമാണെന്ന് ശ്രീകാന്ത് കുറ്റപ്പെടുത്തി.
ഇതിനിടയില്, ഫിറ്റ്നസ് ക്ലിയറന്സിന് വിധേയമായി ടീമില് ഉള്പ്പെടുത്തിയിരിക്കുന്ന നിതീഷ് കുമാര് റെഡ്ഡി, വാഷിംഗ്ടണ് സുന്ദര്, ജസ്പ്രീത് ബുംറ, ഹര്ഷിത് റാണ എന്നീ നാല് താരങ്ങളുടെ ഫിറ്റ്നസിനെയും അദ്ദേഹം ചോദ്യം ചെയ്തു. ബെംഗളൂരുവിലെ നാഷണല് ക്രിക്കറ്റ് അക്കാദമിയില് ഫിറ്റ്നസ് തെളിയിച്ചതുകൊണ്ട് മാത്രം കാര്യമില്ലെന്നും യഥാര്ത്ഥ മാച്ച് ഫിറ്റ്നസ് ആണ് പ്രധാനമെന്നും അദ്ദേഹം ഓര്മ്മിപ്പിച്ചു.
അഫ്ഗാനിസ്ഥാനെതിരെയുള്ള ഇന്ത്യന് സ്ക്വാഡ്: ശ്രേയസ് അയ്യര് (ക്യാപ്റ്റന്), അഭിഷേക് ശര്മ്മ, വൈഭവ് സൂര്യവംശി, സഞ്ജു സാംസണ് (വിക്കറ്റ് കീപ്പര്), ഇഷാന് കിഷന് (വിക്കറ്റ് കീപ്പര്), തിലക് വര്മ്മ (വൈസ് ക്യാപ്റ്റന്), ശിവം ദുബെ, നിതീഷ് കുമാര് റെഡ്ഡി*, അക്സര് പട്ടേല്, വാഷിംഗ്ടണ് സുന്ദര്*, വരുന് ചക്രവര്ത്തി, രവി ബിഷ്ണോയ്, ജസ്പ്രീത് ബുംറ*, അര്ഷ്ദീപ് സിംഗ്, ഹര്ഷിത് റാണ*.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!