ആഷസിനേക്കാള് വലിയ തീപ്പോര്; ഇന്ത്യ-ഓസീസ് ബോര്ഡര്-ഗാവസ്കര് ട്രോഫി കാണാനുള്ള മാര്ഗങ്ങള്
Synopsis
ഇന്ത്യ-ഓസ്ട്രേലിയ ടെസ്റ്റ് പരമ്പരയ്ക്ക് നാളെ നാഗ്പൂരിൽ തുടക്കമാകും. രാവിലെ 9.30നാണ് മത്സരം തുടങ്ങുക.
നാഗ്പൂര്: ആഷസിനേക്കാള് ആവേശവും വാശിയുമുള്ള ഒരു ടെസ്റ്റ് പരമ്പരയുണ്ടേല് അത് ഇന്ത്യയും ഓസ്ട്രേലിയയും തമ്മിലുള്ള ബോര്ഡര്-ഗാവസ്കര് ട്രോഫിയാണ്. ആഷസിനേക്കാള് വലിയ പോരാട്ടമായി ഇത്തവണത്തെ ഇന്ത്യ-ഓസീസ് ടെസ്റ്റ് പരമ്പര ഇതിനകം വാഴ്ത്തപ്പെട്ടുകഴിഞ്ഞു. അതും ആദ്യ ടെസ്റ്റിന് നാഗ്പൂരില് ടോസ് വീഴും മുമ്പേ. അതിനാല് തന്നെ ലോകോത്തര പോരാട്ടം കാണാനുള്ള കാത്തിരിപ്പിലാണ് ആരാധകര്. നാഗ്പൂരിലെ ആദ്യ ടെസ്റ്റ് തല്സമയം കാണാനുള്ള വഴികള് നോക്കാം.
സ്റ്റാര് സ്പോര്ട്സ് നെറ്റ്വര്ക്കാണ് ഇന്ത്യ, ഓസീസ് ബോര്ഡര്-ഗാവസ്കര് ട്രോഫി ഇന്ത്യയില് തല്സമയം സംപ്രേഷണം ചെയ്യുന്നത്. ഡിസ്നി+ഹോട്സ്റ്റാറിലൂടെ ലൈവ് സ്ട്രീമിങ്ങുമുണ്ട്.
ഇന്ത്യ-ഓസ്ട്രേലിയ ടെസ്റ്റ് പരമ്പരയ്ക്ക് നാളെ നാഗ്പൂരിൽ തുടക്കമാകും. രാവിലെ 9.30നാണ് മത്സരം തുടങ്ങുക. ലോക ടെസ്റ്റ് ചാമ്പ്യന്ഷിപ്പ് ഫൈനൽ ബെർത്ത് ഉറപ്പിക്കാൻ രോഹിത് ശര്മ്മയ്ക്കും സംഘത്തിനും പരമ്പരയിൽ മികച്ച ജയം അനിവാര്യമാണ്. ഓസീസ് നിരയില് പരിക്കേറ്റ കാമറൂൺ ഗ്രീൻ, മിച്ചൽ സ്റ്റാർക്ക്, ജോഷ് ഹേസൽവുഡ് എന്നിവർക്ക് കളിക്കാനാകില്ല. ഇന്ത്യന് ടീമിലാവട്ടെ വിക്കറ്റ് കീപ്പര് കെ എസ് ഭരത്, മധ്യനിര ബാറ്റര് സൂര്യകുമാര് യാദവ് എന്നിവര് അരങ്ങേറ്റത്തിനായി അവസരം കാത്തിരിക്കുന്നു. ഇവരില് ഭരതിന്റെ അരങ്ങേറ്റം ഏതാണ്ട് ഉറപ്പായിട്ടുണ്ട്. 2004ന് ശേഷം ഇന്ത്യയില് ടെസ്റ്റ് പരമ്പര നേടുകയാണ് പാറ്റ് കമ്മിന്സിന്റെയും കൂട്ടരുടേയും ലക്ഷ്യം.
ആദ്യ രണ്ട് ടെസ്റ്റുകള്ക്കുള്ള ഇന്ത്യന് സ്ക്വാഡ്: രോഹിത് ശര്മ്മ(ക്യാപ്റ്റന്), കെ എല് രാഹുല്(വൈസ് ക്യാപ്റ്റന്), ശുഭ്മാന് ഗില്, ചേതേശ്വര് പൂജാര, വിരാട് കോലി, ശ്രേയസ് അയ്യര്, കെ എസ് ഭരത്(വിക്കറ്റ് കീപ്പര്), ഇഷാന് കിഷന്(വിക്കറ്റ് കീപ്പര്), രവിചന്ദ്രന് അശ്വിന്, അക്സര് പട്ടേല്, കുല്ദീപ് യാദവ്, രവീന്ദ്ര ജഡേജ, മുഹമ്മദ് ഷമി, മുഹമ്മദ് സിറാജ്, ഉമേഷ് യാദവ്, ജയദേവ് ഉനദ്ഘട്ട്, സൂര്യകുമാര് യാദവ്.
തലേന്നും തലപുകയ്ക്കുകയോ? നാഗ്പൂരിലെ അന്തിമ ഇലവന് തീരുമാനമായിട്ടില്ലെന്ന് രോഹിത് ശര്മ്മ
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!