വനിതാ ടി20 ലോകകപ്പിന് ഇന്ന് തുടക്കം; ഇന്ത്യയുടെ ആദ്യ മത്സരം ഞായറാഴ്ച്ച പാകിസ്ഥാനെതിരെ
Synopsis
ഇംഗ്ലണ്ട്, അയര്ലന്ഡ്, വെസ്റ്റിന്ഡീസ് എന്നിവരാണ് ഗ്രൂപ്പ് ബിയില് ഇന്ത്യയുടെ മറ്റ് എതിരാളികള്. ഇന്ത്യ പതിനഞ്ചിന് വിന്ഡീസിനെയും പതിനെട്ടിന് ഇംഗ്ലണ്ടിനെയും 20ന് അയര്ലന്ഡിനെയും നേരിടും.
കേപ്ടൗണ്: വനിതാ ടി20 ലോകകപ്പിന് ഇന്ന് ദക്ഷിണാഫ്രിക്കയില് തുടക്കം. ദക്ഷിണാഫ്രിക്ക- ശ്രീലങ്ക പോരാട്ടത്തോടെയാണ് വനിതാ ട്വന്റി 20 ലോകകപ്പിന് തുടക്കമാവുക. കളി തുടങ്ങുക രാത്രി പത്തരയക്ക്. ഓസ്ട്രേലിയയാണ് നിലവിലെ ചാംപ്യന്മാര്. കഴിഞ്ഞ തവണ ഫൈനലില് തോറ്റ ഇന്ത്യ ആദ്യ കിരീടം ലക്ഷ്യമിട്ടാണ് ഇറങ്ങുന്നത്. ആദ്യ എതിരാളികള് പാകിസ്ഥാന്. ഞായറാഴ്ച ഇന്ത്യന് സമയം വൈകിട്ട് ആറരയ്ക്കാണ് ഇന്ത്യ- പാകിസ്ഥാന് പോര്.
ഇംഗ്ലണ്ട്, അയര്ലന്ഡ്, വെസ്റ്റിന്ഡീസ് എന്നിവരാണ് ഗ്രൂപ്പ് ബിയില് ഇന്ത്യയുടെ മറ്റ് എതിരാളികള്. ഇന്ത്യ പതിനഞ്ചിന് വിന്ഡീസിനെയും പതിനെട്ടിന് ഇംഗ്ലണ്ടിനെയും 20ന് അയര്ലന്ഡിനെയും നേരിടും. ഗ്രൂപ്പ് എയില് ഓസ്ട്രേലിയ, ദക്ഷിണാഫ്രിക്ക, ന്യൂസീലന്ഡ്, ബംഗ്ലാദേശ്, ശ്രീലങ്ക എന്നിവര് ഏറ്റുമുട്ടും. ജുലന് ഗോസ്വാമിയും മിതാലി രാജും വിരമിച്ചതിന് ശേഷമുള്ള ഇന്ത്യയുടെ ആദ്യ ലോകകപ്പാണിത്.
ക്യാപ്റ്റന് ഹര്മന്പ്രീതിനൊപ്പം ഷഫാലി വര്മ, സ്മൃതി മന്ഥാന, ജെമിമ റോഡ്രിഗസ്, ഹര്ലീന് ഡിയോള്, റിച്ചാ ഘോഷ് എന്നിവരിലാണ് ബാറ്റിംഗ് പ്രതീക്ഷ. അണ്ടര് 19 ലോകകപ്പ് നേടിയ ഷഫാലി വര്മ്മ, റിച്ച ഘോഷ് എന്നിവര് സീനിയര് ടീമിലുമുണ്ട്. ഓള്റൗണ്ടര്മാരായ ദീപ്തി ശര്മ, ദേവികാ വൈദ്യ, പൂജാ വസ്ത്രകാര് എന്നിവരുടെ മികവ് നിര്ണായകമാവും.
ലോകകപ്പിന് മുന്നോടിയായി നടന്ന ത്രിരാഷ്ട്ര പരമ്പരയുടെ ഫൈനലില് ദക്ഷിണാഫ്രിക്കയോടും അവസാന സന്നാഹ മത്സരത്തില് ഓസ്ട്രേലിയയോടും ഇന്ത്യ തോറ്റിരുന്നു.
ഇന്ത്യന് ടീം: ഹര്മന്പ്രീത് കൗര് (ക്യാപ്റ്റന്), സ്മൃതി മന്ഥാന (വൈസ് ക്യാപ്റ്റന്), ഷെഫാലി വര്മ, യഷ്ടിക ഭാട്ടിയ (വിക്കറ്റ് കീപ്പര്), റിച്ചാ ഘോഷ് (വിക്കറ്റ് കീപ്പര്), ജമീമ റോഡ്രിഗസ്, ഹര്ലീന് ഡിയോള്, ദീപ്തി ശര്മ, ദേവിക വൈദ്യ, രാധാ യാദവ്, രേണുക സിംഗ്, അഞ്ജലി ശര്വാണി, പൂജ വസ്ത്രകര്, രാജേശ്വരി ഗെയ്കവാദ്, ശിഖ പാണ്ഡെ.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!