Rohit Sharma : രോഹിത് ശര്മ പരിക്കേറ്റ് പുറത്ത്; ദക്ഷിണാഫ്രിക്കന് പര്യടനത്തില് പകരക്കാരനെ പ്രഖ്യാപിച്ചു
Synopsis
ഏകദിനങ്ങളില് വിരാട് കോലിക്ക് പകരം രോഹിത്തിനെ നായകനായി തെരഞ്ഞെടുത്തതിനൊപ്പം ടെസ്റ്റ് പരമ്പരയില് രോഹിത്തിനെ അജിങ്ക്യാ രഹാനെക്ക് പകരം വൈസ് ക്യാപ്റ്റനായും ബിസിസിഐ നിയോഗിച്ചിരുന്നു. എന്നാല് രോഹിത് ടെസ്റ്റ് പരമ്പരയില് നിന്ന് പുറത്തായ സാഹചര്യത്തില് ആരാകും ടെസ്റ്റില് വൈസ് ക്യാപ്റ്റനാവുകയെന്ന കാര്യം ബിസിസിഐ വ്യക്തമാക്കിയിട്ടില്ല.
മുംബൈ: ദക്ഷിണാഫ്രിക്കന് പര്യടനത്തിനൊരുങ്ങുന്ന ഇന്ത്യന് ടീമിന്(IND v SA ) കനത്ത തിരിച്ചടിയായി വൈസ് ക്യാപ്റ്റന് രോഹിത് ശര്മയുടെ(Rohit Sharma) പരിക്ക്. ഞായറാഴ്ച മുംബൈയില് നെറ്റ്സില് പരിശീലനം നടത്തുന്നതിനിടെ വലതു തുടക്ക് പരിക്കേറ്റ രോഹിത് ശര്മയെ ടെസ്റ്റ് പരമ്പരയില് നിന്നൊഴിവാക്കി. ടെസ്റ്റ് പരമ്പരയില് രോഹിത്തിന്റെ പകരക്കാരനായി പ്രിയങ്ക് പഞ്ചാലിനെ( Priyank Panchal) ബിസിസിഐ(BCCI) ടീമിലുള്പ്പെടുത്തി. ഇന്നലെ മുംബൈയില് നെറ്റ്സില് പരിശീലനം നടത്തുന്നതിനിടെയാണ് രോഹിത്തിന്റെ വലതുതുടക്ക് പരിക്കേറ്റത്.
ഏകദിനങ്ങളില് വിരാട് കോലിക്ക് പകരം രോഹിത്തിനെ നായകനായി തെരഞ്ഞെടുത്തതിനൊപ്പം ടെസ്റ്റ് പരമ്പരയില് രോഹിത്തിനെ അജിങ്ക്യാ രഹാനെക്ക് പകരം വൈസ് ക്യാപ്റ്റനായും ബിസിസിഐ നിയോഗിച്ചിരുന്നു. എന്നാല് രോഹിത് ടെസ്റ്റ് പരമ്പരയില് നിന്ന് പുറത്തായ സാഹചര്യത്തില് ആരാകും ടെസ്റ്റില് വൈസ് ക്യാപ്റ്റനാവുകയെന്ന കാര്യം ബിസിസിഐ വ്യക്തമാക്കിയിട്ടില്ല.
അജിങ്ക്യാ രഹാനെയും വീണ്ടും വൈസ് ക്യാപ്റ്റനാക്കുമോ പുതിയ വൈസ് ക്യാപ്റ്റനെ തെരഞ്ഞെടുക്കുമോ എന്ന കാര്യത്തിലും വ്യക്തത വരുത്താന് ബിസിസിഐ തയാറായിട്ടില്ല.ടെസ്റ്റ് പരമ്പരക്കുശേഷം നടക്കുന്ന ഏകദിന പരമ്പരയിലും രോഹിത്തിന് കളിക്കാന് കഴിഞ്ഞില്ലെങ്കില് ഏകദിനങ്ങളില് പുതിയ നായകനെ ബിസിസിഐ തെരഞ്ഞെടുക്കേണ്ടിവരും.
ഒടുവില് പഞ്ചാലിന് അവസരം
രോഹിത്തിന് പകരം വരുന്ന 31കാരനായ പ്രിയങ്ക് പഞ്ചാല് ആഭ്യന്തര ക്രിക്കറ്റില് സ്ഥിരതയാര്ന്ന പ്രകടനം നടത്തുന്ന ബാറ്ററാണ്. ഇന്ത്യ എക്കായി സ്ഥിരമായി കളിക്കുന്ന പഞ്ചാല് ആഭ്യന്തര ക്രിക്കറ്റില് ഗുജറാത്തിനായാണ് ബാറ്റ് ചെയ്യുന്നത്. ഫസ്റ്റ് ക്ലാസ് ക്രിക്കറ്റില് 24 സെഞ്ചുറിയും 25 അഅര്ധസെഞ്ചുറിയും അടക്കം 7011 റണ്സ് പഞ്ചാല് നേടിയിട്ടുണ്ട്. ഇന്ത്യയുടെ ദക്ഷിണാഫ്രിക്കന് പര്യടനത്തിന് മുന്നോടിയായി എ ടീം ദക്ഷിണാഫ്രിക്കയില് നടത്തിയ പര്യടനത്തില് അനൗദ്യോഗിക ടെസ്റ്റില് പഞ്ചാല് 96 റണ്സടിച്ച് തിളങ്ങിയിരുന്നു.
ഡിസംബര് 26 മുതലാണ് ഇന്ത്യ-ദക്ഷിണാഫ്രിക്ക ടെസ്റ്റ് പരമ്പരക്ക് തുടക്കമാകുന്നത്. ജനുവരി 19 മുതലാണ് മൂന്ന് മതസരങ്ങളടങ്ങിയ ഏകദിന പരമ്പര തുടങ്ങുക.
India’s Test squad: Virat Kohli (Captain), KL Rahul, Mayank Agarwal, Cheteshwar Pujara, Ajinkya Rahane, Priyank Panchal, Shreyas Iyer, Hanuma Vihari, Rishabh Pant (wicket-keeper), Wriddhiman Saha (wicket-keeper), R Ashwin, Jayant Yadav, Ishant Sharma, Mohd. Shami, Umesh Yadav, Jasprit Bumrah, Shardul Thakur, Md. Siraj