ടി20 ലോകകപ്പിലെ ഇന്ത്യ- പാകിസ്ഥാന് മത്സരം 24ന്; വേദിയും പുറത്തുവിട്ടു
Synopsis
ദുബായ് ഇന്റനാഷണല് സ്റ്റേഡിയത്തിലാണ് മത്സരം. ഗ്രൂപ്പ് ഘട്ടത്തില് തന്നെ ഇന്ത്യ- പാകിസ്ഥാന് മത്സരം നടക്കുന്നുണ്ട്. ന്യൂസിലന്ഡും അഫ്ഗാനിസ്ഥാനും അടങ്ങുന്ന ഗ്രൂപ്പ് രണ്ടിലാണ് ഇരുവരും ഇടം നേടിയയത്.
ദില്ലി: ടി20 ലോകകപ്പിലെ ഇന്ത്യ- പാകിസ്ഥാന് പോരാട്ടം ഒക്ടോബര് 24ന് നടക്കും. ദുബായ് ഇന്റനാഷണല് സ്റ്റേഡിയത്തിലാണ് മത്സരം. ഗ്രൂപ്പ് ഘട്ടത്തില് തന്നെ ഇന്ത്യ- പാകിസ്ഥാന് മത്സരം നടക്കുന്നുണ്ട്. ന്യൂസിലന്ഡും അഫ്ഗാനിസ്ഥാനും അടങ്ങുന്ന ഗ്രൂപ്പ് രണ്ടിലാണ് ഇരുവരും ഇടം നേടിയയത്.
കൊവിഡ് പശ്ചാത്തലത്തില് ഒക്ടോബര് 17 മുതല് നവംബര് 14 വരെ യുഎഇയിലും ഒമാനിലുമായാണ് ടി20 ലോകകപ്പ് നടക്കുന്നത്. നാല് വേദികളിലായാവും മത്സരങ്ങള്.
ഇന്ത്യയിലെ കൊവിഡ് വ്യാപനത്തെ തുടര്ന്നാണ് ലോകകപ്പ് അറേബ്യന് മണ്ണിലേക്ക് മാറ്റിയത്. 2016ന് ശേഷം ഇതാദ്യമായാണ് ടി20 ലോകകപ്പ് നടക്കുന്നത് എന്ന പ്രത്യേകതയുണ്ട്. അന്ന് ഇംഗ്ലണ്ടിനെ തോല്പിച്ച് വിന്ഡീസ് കിരീടം നേടിയിരുന്നു.
നിലവിലെ ചാംപ്യന്മാരായ വെസ്റ്റ് ഇന്ഡീസ് ഇംഗ്ലണ്ട്, ഓസ്ട്രേലിയ, ദക്ഷിണാഫ്രിക്ക എന്നിവര് ഉള്പ്പെടുന്ന ഗ്രൂപ്പ് ഒന്നിലാണ്. യോഗ്യത നേടിയെത്തുന്ന നാല് ടീമുകളെ രണ്ട് ഗ്രൂപ്പുകളിലായി കളിപ്പിക്കും. 12 ടീമുകളാണ് പ്രാഥമിക റൗണ്ടില് മാറ്റുരയ്ക്കുക.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!