മൂന്നാം ടി20: ഇന്ത്യക്കെതിരെ ഇംഗ്ലണ്ടിന് ടോസ്, രോഹിത് തിരിച്ചെത്തി
Synopsis
രോഹിത്തിനൊപ്പം കെ എല് രാഹുല് തന്നെ ഇന്നിംഗ്സ് ഓപ്പണ് ചെയ്യുമെന്നും ഇഷാന് കിഷന് വണ് ഡൗണായി എത്തുമെന്നും ടോസിനുശേഷം ക്യാപ്റ്റന് വിരാട് കോലി പറഞ്ഞു.
അഹമ്മദാബാദ്: ടി20 പരമ്പരയിലെ നിര്ണായക മൂന്നാം മത്സരത്തില് ഇന്ത്യക്കെതിരെ ടോസ് നേടിയ ഇംഗ്ലണ്ട് ഫീല്ഡിംഗ് തെരഞ്ഞെടുത്തു. കഴിഞ്ഞ മത്സരം കളിച്ച ടീമില് ഒരു മാറ്റവുമായാണ് ഇംഗ്ലണ്ട് ഇറങ്ങുന്നത്. പേസ് ബൗളര് ടോം കറന് പകരം മാര്ക്ക് വുഡ് ഇംഗ്ലണ്ട് ടീമിലെത്തി.
രണ്ടാം മത്സരം ജയിച്ച ടീമില് മാറ്റവുമായാണ് ഇന്ത്യയും ഇന്നിറങ്ങുന്നത്. ഓപ്പണര് സ്ഥാനത്ത് രോഹിത് ശര്മ തിരിച്ചെത്തിയപ്പോള് സൂര്യകുമാര് യാദവ് അന്തിമ ഇലവനില് നിന്ന് പുറത്തായി. രോഹിത്തിനൊപ്പം കെ എല് രാഹുല് തന്നെ ഇന്നിംഗ്സ് ഓപ്പണ് ചെയ്യുമെന്നും ഇഷാന് കിഷന് വണ് ഡൗണായി എത്തുമെന്നും ടോസിനുശേഷം ക്യാപ്റ്റന് വിരാട് കോലി പറഞ്ഞു. ഇഷാന് കിഷന് വണ് ഡൗണായി എത്തുമ്പോള് ക്യാപ്റ്റന് കോലി നാലാം നമ്പറില് കളിക്കും.
കഴിഞ്ഞ മത്സരത്തില് ടീമിലെത്തിയ സൂര്യകുമാര് യാദവിന് ബാറ്റിംഗിന് അവസരം ലഭിച്ചിരുന്നില്ല. പരമ്പരയിലെ ആദ്യ രണ്ട് മത്സരങ്ങള് കഴിഞ്ഞപ്പോള് ഓരോ മത്സരം വീതം ജയിച്ച് ഇരു ടീമും തുല്യത പാലിക്കുകയാണ്.
ഇന്ത്യന് ടീം: Rohit Sharma, KL Rahul, Ishan Kishan, Virat Kohli(c), Rishabh Pant(w), Shreyas Iyer, Hardik Pandya, Washington Sundar, Shardul Thakur, Bhuvneshwar Kumar, Yuzvendra Chahal
ഇംഗ്ലണ്ട് ടീം: Jason Roy, Jos Buttler(w), Dawid Malan, Jonny Bairstow, Eoin Morgan(c), Ben Stokes, Sam Curran, Chris Jordan, Jofra Archer, Adil Rashid, Mark Wood
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!