നാലാം ടി20: പോരാട്ടം അമേരിക്കയില്, ഇന്ത്യക്കെതിരെ വിന്ഡീസിന് നിര്ണായക ടോസ്; സഞ്ജു ടീമില്
Synopsis
തുടര്ച്ചയായി മൂന്ന് കളികളില് നിരാശപ്പെടുത്തി ശ്രേയസ് അയ്യര്ക്ക് പകരം മലയാളി താരം സഞ്ജു സാംസണ് ഒടുവില് അന്തിമ ഇലവനില് ഇടം ലഭിച്ചു. പേസര് ആവേശ് ഖാനെ ടീമില് നിലനിര്ത്തിയപ്പോള് സ്പിന്നറായി അശ്വിന് പകരം രവി ബിഷ്ണോയ് അന്തിമ ഇലവനിലെത്തി.
ഫ്ലോറിഡ: വെസ്റ്റ് ഇന്ഡീസിനെതിരായ ടി20 പരമ്പരയിലെ നാലാം മത്സരത്തില് ഇന്ത്യക്കെതിരെ ടോസ് നേടിയ വെസ്റ്റ് ഇന്ഡീസ് ഫീല്ഡിംഗ് തെരഞ്ഞെടുത്തു. കഴിഞ്ഞ മത്സരം കളിച്ച ടീമില് മാറ്റങ്ങളൊന്നുമില്ലാതെയാണ് വിന്ഡീസ് ഇറങ്ങുന്നത്. അതേസമം, മൂന്നാം മത്സരം കളിച്ച ടീമില് രണ്ട് മാറ്റങ്ങളുമായാണ് ഇന്ത്യ ഇറങ്ങുന്നത്. മലയാളികള് ആകാംക്ഷയോടെ കാത്തിരുന്ന ആ തീരുമാനം ടോസ് സമയത്ത് ക്യാപ്റ്റന് രോഹിത് പ്രഖ്യാപിച്ചു.
തുടര്ച്ചയായി മൂന്ന് കളികളില് നിരാശപ്പെടുത്തി ശ്രേയസ് അയ്യര്ക്ക് പകരം മലയാളി താരം സഞ്ജു സാംസണ് ഒടുവില് അന്തിമ ഇലവനില് ഇടം ലഭിച്ചു. പേസര് ആവേശ് ഖാനെ ടീമില് നിലനിര്ത്തിയപ്പോള് സ്പിന്നറായി അശ്വിന് പകരം രവി ബിഷ്ണോയ് അന്തിമ ഇലവനിലെത്തി.
മഴയും മോശം കാലാവസ്ഥയും മൂലം നേരത്തെ നിശ്ചയിച്ചതിലും 45 മിനിറ്റ് വൈകിയാണ് മത്സരത്തിനായി ടോസ് വീണത്. ഇന്ത്യന് സമയം രാത്രി 7.30ന് (പ്രാദേശിക സമയം രാവിലെ 10) ആണ് മത്സരത്തിന്റെ ടോസ് നിശ്ചയിച്ചിരുന്നത്. എന്നാല് മത്സരത്തിന് തൊട്ടു മുമ്പുവരെ ഇടക്കിടെ മഴ പെയ്തതുമൂലം ടോസ് വൈകുകയായിരുന്നു.
നാലാം ടി20: താരങ്ങള് ക്ഷ, ണ്ണ വരയ്ക്കും! കാലാവസ്ഥാ പ്രവചനം മാത്രമല്ല, മറ്റൊരു വെല്ലുവിളിയും
വിന്ഡീസില് കളിച്ച ആദ്യ മൂന്ന് ടി20 മത്സരങ്ങള്ക്കുശേഷം അമേരിക്കയാണ് നാലും അഞ്ചും മത്സരങ്ങള്ക്ക് വേദിയാവുന്നത്. അമേരിക്കയിലെ ഫ്ലോറിഡയിലെ ലൗഡര്ഹില്ലിലുള്ള സെന്ട്രല് ബ്രോവാര്ഡ് റീജിയണല് പാര്ക്ക് സ്റ്റേഡിയത്തിലാണ് ഇന്നും നാളെയുമായി അവസാന രണ്ട് മത്സരങ്ങള് നടക്കുന്നത.
അഞ്ച് മത്സര പരമ്പരയില് മൂന്ന് മത്സരങ്ങള് കഴിഞ്ഞപ്പോള് ഇന്ത്യ 2-1ന് പരമ്പരയില് മുന്നിലാണ്. ഇന്നത്തെ മത്സരം ജയിച്ചാല് ഏകദിന പരമ്പരക്ക് പിന്നാലെ ടി20 പരമ്പരയും ഇന്ത്യക്ക് കീശയിലാക്കാം.
വെസ്റ്റ് ഇന്ഡീസ് പ്ലേയിംഗ് ഇലവന്: Brandon King, Kyle Mayers, Nicholas Pooran(c), Rovman Powell, Shimron Hetmyer, Devon Thomas(w), Jason Holder, Dominic Drakes, Akeal Hosein, Alzarri Joseph, Obed McCoy.
ഇന്ത്യ പ്ലേയിംഗ് ഇലവന്: Rohit Sharma(c), Suryakumar Yadav, Rishabh Pant(w), Sanju Samson, Deepak Hooda, Dinesh Karthik, Axar Patel, Avesh Khan, Bhuvneshwar Kumar, Ravi Bishnoi, Arshdeep Singh