ശ്രീലങ്കന്‍ മുന്‍ നായകനും ഓപ്പണറുമായിരുന്ന സനത് ജയസൂര്യയാണ് ക്രിക്കറ്റിനെ മാറ്റി മറിച്ച രണ്ടാമത്തെ താരമെന്ന് ഇന്‍സമാം പറഞ്ഞു. ഏകദിനങ്ങളില്‍ ആദ്യ 15 ഓവറില്‍ പേസ് ബൗളര്‍മാരെ ആക്രമിച്ചു കളിക്കാമെന്ന് ക്രിക്കറ്റ് ലോകത്തിന് കാണിച്ചുകൊടുത്തത് ജയസൂര്യയാണ്.
കറാച്ചി: ലോക ക്രിക്കറ്റിനെ മാറ്റി മറിച്ച മൂന്ന് താരങ്ങളെ തെരഞ്ഞെടുത്ത് പാക് ക്രിക്കറ്റ് ടീം മുന്‍ നായകനും ചീഫ് സെലക്ടറുമായിരുന്ന ഇന്‍സമാം ഉള്‍ ഹഖ്. വെസ്റ്റ് ഇന്‍ഡീസ് ഇതിഹാസം വിവിയന്‍ റിച്ചാര്‍ഡ്സാണ് ആദ്യം ക്രിക്കറ്റിനെ മാറ്റിമറിച്ചതെന്ന് ഇന്‍സമാം പറഞ്ഞു.
ശ്രീലങ്കന്‍ മുന്‍ നായകനും ഓപ്പണറുമായിരുന്ന സനത് ജയസൂര്യയാണ് ക്രിക്കറ്റിനെ മാറ്റി മറിച്ച രണ്ടാമത്തെ താരമെന്ന് ഇന്‍സമാം പറഞ്ഞു. ഏകദിനങ്ങളില്‍ ആദ്യ 15 ഓവറില്‍ പേസ് ബൗളര്‍മാരെ ആക്രമിച്ചു കളിക്കാമെന്ന് ക്രിക്കറ്റ് ലോകത്തിന് കാണിച്ചുകൊടുത്തത് ജയസൂര്യയാണ്. ജയസൂര്യക്ക് മുമ്പ് പേസ് ബൗളര്‍മാരെ ഉയര്‍ത്തി അടിക്കുന്നവരെ നല്ല ബാറ്റ്സ്മാനായല്ല കണ്ടിരുന്നത്.
ക്രിക്കറ്റിനെ മാറ്റിമറിച്ച മൂന്നാമത്തെ താരം ദക്ഷിണാഫ്രിക്കയുടെ എ ബി ഡിവില്ലിയേഴ്സാണെന്ന് ഇന്‍സമാം പറഞ്ഞു. ഏകദിനങ്ങളിലും ടി20യിലും ഇന്ന് കാണുന്ന അതിവേഗ ബാറ്റിംഗിന് പുതിയ മാനങ്ങള്‍ നല്‍കിയത് ഡിവില്ലിയേഴ്സാണ്. മുമ്പൊക്കെ ബാറ്റ്സ്മാന്‍ സ്ട്രെയിറ്റ് ബാറ്റുപയോഗിച്ചായിരുന്നു പന്ത് അടിച്ചിരുന്നത്. എന്നാല്‍ ഡിവില്ലിയേഴ്സ് വന്ന് പാഡില്‍ സ്വീപ്പും റിവേഴ്സ് സ്വീപ്പും എല്ലാം അവതരിപ്പിച്ചതോടെ ഇങ്ങനെയും കളിക്കാമെന്ന് ക്രിക്കറ്റ് ലോകത്തിന് മനസിലായി.