കണക്കില് കരുത്തര് മുംബൈ; കണക്കുവീട്ടാന് ബാംഗ്ലൂര്, കളത്തിലെ കണക്കറിയാം
Synopsis
മുംബൈയും ബാംഗ്ലൂരും തമ്മിലുള്ള നേർക്കുനേർ കണക്കിൽ മുംബൈയ്ക്ക് വ്യക്തമായ ആധിപത്യമുണ്ട്.
ചെന്നൈ: ഐപിഎല് പതിനാലാം സീസണിന് ഇന്ന് തുടക്കമാവുകയാണ്. നിലവിലെ ചാമ്പ്യന്മാരായ മുംബൈ ഇന്ത്യന്സും റോയല് ചലഞ്ചേഴ്സ് ബാംഗ്ലൂരും തമ്മിലാണ് ആദ്യ മത്സരം. ബാംഗ്ലൂരിനെ വിരാട് കോലിയും മുംബൈയെ രോഹിത് ശര്മ്മയുമാണ് നയിക്കുന്നത്.
മുംബൈയും ബാംഗ്ലൂരും തമ്മിലുള്ള നേർക്കുനേർ കണക്കിൽ മുംബൈയ്ക്ക് വ്യക്തമായ ആധിപത്യമുണ്ട്. ഇരുടീമും 27 മത്സരങ്ങളിൽ ഏറ്റുമുട്ടിയപ്പോള് മുംബൈ പതിനേഴിലും ബാംഗ്ലൂർ പത്തിലും ജയിച്ചു. കഴിഞ്ഞ സീസണിൽ ഇരു ടീമിനും ഓരോ ജയം വീതമാണുണ്ടായിരുന്നത്. മുംബൈ അഞ്ച് വിക്കറ്റിന് ജയിച്ചപ്പോൾ സൂപ്പർ ഓവറിലായിരുന്നു ബാംഗ്ലൂരിന്റെ ജയം.
ചെന്നൈയിലെ ചെപ്പോക്കില് വൈകിട്ട് ഏഴരയ്ക്ക് മത്സരത്തിന് തുടക്കമാകും. പൊതുവെ കൂറ്റൻ സ്കോറുകൾ പിറക്കാത്ത ചെപ്പോക്കിൽ സ്പിന്നർമാരുടെ പ്രകടനം നിർണായകമാവും. കൊവിഡ് പശ്ചാത്തലത്തിൽ കാണികളെ പ്രവേശിപ്പിക്കാതെയാവും ഇത്തവണ മത്സരങ്ങൾ നടക്കുക.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!