IPL 2022: മിന്നലടികളുമായി ഉത്തപ്പയും മൊയീന് അലിയും; ലഖ്നൗവിനെതിരെ ചെന്നൈക്ക് വെടിക്കെട്ട് തുടക്കം
Synopsis
ആവേശ് ഖാന് എറിഞ്ഞ ഇന്നിംഗ്സിലെ ആദ്യ ഓവര് മുതല് ഉത്തപ്പ അടി തുടങ്ങി. ആദ്യ രണ്ട് പന്തുകളും ബൗണ്ടറി കടത്തിയ തുടങ്ങിയ ഉത്തപ്പ ആദ്യ ഓവറില് 14 റണ്സടിച്ചു. ചമീര എറിഞ്ഞ രണ്ടാം ഓവറില് സിക്സും ഫോറും അടിച്ച ഉത്തപ്പ 12 റണ്സടിച്ചു. ആന്ഡ്ര്യു ടൈ എറിഞ്ഞ മൂന്നാം ഓവറിലാണ് ചെന്നൈക്ക് ഗെയ്ക്വാദിനെ നഷ്ടമായത്.
മുംബൈ: ഐപിഎല്ലില് (IPL 2022) ലഖ്നൗ സൂപ്പര് ജയന്റ്സിനെതിരെ (CSK vs LSG) ടോസ് നഷ്ടമായി ആദ്യം ബാറ്റ് ചെയ്യുന്ന ചെന്നൈ സൂപ്പര് കിംഗ്സിന് മികച്ച തുടക്കം. പവര്പ്ലേയില് തകര്ത്തടിച്ച റോബിന് ഉത്തപ്പയുടെയും മൊയീന് അലിയുടെയും ബാറ്റിംഗ് മികവില് ചെന്നൈ ആറോവറില് ഒരു വിക്കറ്റ് നഷ്ടത്തില് 73 റണ്സെടുത്തിട്ടുണ്ട്. ഒരു റണ്ണെടുത്ത റുതുരാജ് ഗെയ്ക്വാദിന്റെ വിക്കറ്റാണ് ചെന്നൈക്ക് നഷ്ടമായത്. 21 പന്തില് 45 റണ്സോടെ റോബിന് ഉത്തപ്പയും 11 പന്തില് 21 റണ്സുമായി മൊയീന് അലിയും ക്രീസില്.
മിന്നലായി ഉത്തപ്പ
ആവേശ് ഖാന് എറിഞ്ഞ ഇന്നിംഗ്സിലെ ആദ്യ ഓവര് മുതല് ഉത്തപ്പ അടി തുടങ്ങി. ആദ്യ രണ്ട് പന്തുകളും ബൗണ്ടറി കടത്തിയ തുടങ്ങിയ ഉത്തപ്പ ആദ്യ ഓവറില് 14 റണ്സടിച്ചു. ചമീര എറിഞ്ഞ രണ്ടാം ഓവറില് സിക്സും ഫോറും അടിച്ച ഉത്തപ്പ 12 റണ്സടിച്ചു. ആന്ഡ്ര്യു ടൈ എറിഞ്ഞ മൂന്നാം ഓവറിലാണ് ചെന്നൈക്ക് ഗെയ്ക്വാദിനെ നഷ്ടമായത്. ടൈയുടെ പന്തില് എല്ബിഡബ്ല്യു അപ്പീല് അതിജീവിച്ച ഗെയ്ക്വാദ് റണ്ണിനായി ക്രീസ് വിട്ടിറങ്ങിയെങ്കിലും രവി ബിഷ്ണോയിയുടെ നേരിട്ടുള്ള ത്രോയില് റണ്ണൗട്ടായി.
ആവേശ് ഖാന് എറിഞ്ഞ നാലാം ഓവറില് ഉത്തപ്പ ബൗണ്ടറിയോടെ തുടങ്ങിയപ്പോള് മൊയീന് അലി സിക്സ് അടിച്ച് ഫിനിഷ് ചെയ്തു. ആന്ഡ്ര്യു ടൈ എറിഞ്ഞ അഞ്ചാം ഓവറില് നാല് ബൗണ്ടറിയടക്കം 18 റണ്സടിച്ച് ഉത്തപ്പ ടോപ് ഗിയറിലായതിനൊപ്പം ചെന്നൈ 50 കടന്നു. ക്രുനാല് പാണ്ഡ്യ എറിഞ്ഞ പവര്പ്ലേയിലെ അവസാന ഓവറില് രണ്ട് ഫോറും ഒരു സിക്സും അടക്കം 16 റണ്സടിച്ച് മൊയീന് അലിയും ചെന്നൈയുടെ ബാറ്റിംഗിന് കരുത്ത് പകര്ന്നു.
നേരത്തെ ടോസ് നേടിയ ലഖ്നൗ ഫീല്ഡിംഗ് തെരഞ്ഞെടുക്കുകയായിരുന്നു. കഴിഞ്ഞ മത്സരം കളിച്ച ടീമില് മൂന്ന് മാറ്റങ്ങളുമായാണ് ചെന്നൈ ഇന്നിറങ്ങിയത്. ഇംഗ്ലണ്ട് ഓള് റൗണ്ടര് മൊയീന് അലി ചെന്നൈ നിരയില് തിരിച്ചെത്തി. ദക്ഷിണാഫ്രിക്കന് താരം ഡ്വയിന് പ്രിട്ടോറിയസും ചെന്നൈ ടീമിലുണ്ട്. മൂന്ന് വിദേശ താരങ്ങളുമായാണ് ചെന്നൈ ഇന്നിറങ്ങുന്നത്. ലഖ്നൗ ടീമിലും ഒരു മാറ്റമുണ്ട്. ആന്ഡ്ര്യു ടൈ ലഖ്നൗവിനായി ഇന്ന് അരങ്ങേറ്റം കുറിച്ചു.
സീസണിലെ ആദ്യജയം തേടിയാണ് ചെന്നൈ സൂപ്പര് കിംഗ്സും ലഖ്നൗ സൂപ്പര് ജയന്റ്സും ഇറങ്ങുന്നത്. ആദ്യ മത്സരത്തില് കൊല്ക്കത്തയോട് തോറ്റാണ് നിലവില ചാമ്പ്യന്മാരായ ചെന്നൈ വരുന്നതെങ്കില് കന്നിക്കാരായ ഗുജറാത്ത് ടൈറ്റന്സിന് മുന്നിലാണ് രാഹുലിന്റെ (KL Rahul) ലഖ്നൗ വീണത്.
ലഖ്നൗ സൂപ്പര് ജയന്റ്സ്: KL Rahul(c), Quinton de Kock(w), Evin Lewis, Manish Pandey, Deepak Hooda, Ayush Badoni, Krunal Pandya, Dushmantha Chameera, Andrew Tye, Ravi Bishnoi, Avesh Khan.
ചെന്നൈ സൂപ്പര് കിംഗ്സ്: Ruturaj Gaikwad, Robin Uthappa, Moeen Ali, Ambati Rayudu, Ravindra Jadeja(c), MS Dhoni(w), Shivam Dube, Dwayne Bravo, Dwaine Pretorius, Mukesh Choudhary, Tushar Deshpande.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!