IPL 2022 : കിംഗ്-തല പോരാട്ടം ഉടന്; മുംബൈയില് ടോസ് വീണു, ഇരട്ട മാറ്റങ്ങളുമായി ഫാഫ് ഡുപ്ലസി
Synopsis
തോറ്റ് തോറ്റ് നിലതെറ്റിയാണ് ചെന്നൈ സൂപ്പര് കിംഗ്സ് വരുന്നതെങ്കില് തുടര്വിജയങ്ങളുമായി മുന്നേറുകയാണ് റോയല് ചലഞ്ചേഴ്സ് ബാംഗ്ലൂര്
മുംബൈ: ഐപിഎല്ലില് (IPL 2022) ചെന്നൈ സൂപ്പര് കിംഗ്സ്-റോയല് ചലഞ്ചേഴ്സ് ബാംഗ്ലൂര് (CSK vs RCB) മത്സരം അല്പസമയത്തിനകം. ടോസ് നേടിയ ആര്സിബി നായകന് ഫാഫ് ഡുപ്ലസിസ് (Faf du Plessis) ബൗളിംഗ് തെരഞ്ഞെടുത്തു. ഹര്ഷല് പട്ടേലിന് പകരം സുയാഷ് പ്രബുദേശായിയും ഡേവിഡ് വില്ലിക്ക് പകരം ജോഷ് ഹേസല്വുഡും ആര്സിബിയുടെ പ്ലേയിംഗ് ഇലവനിലെത്തി. അതേസമയം ചെന്നൈ പ്ലേയിംഗ് ഇലവനില് മാറ്റമില്ല.
ചെന്നൈ സൂപ്പര് കിംഗ്സ്: Robin Uthappa, Ruturaj Gaikwad, Moeen Ali, Ambati Rayudu, Shivam Dube, Ravindra Jadeja(c), MS Dhoni(w), Dwayne Bravo, Chris Jordan, Maheesh Theekshana, Mukesh Choudhary
റോയല് ചലഞ്ചേഴ്സ് ബാംഗ്ലൂര്: Faf du Plessis(c), Anuj Rawat, Virat Kohli, Glenn Maxwell, Dinesh Karthik(w), Shahbaz Ahmed, Wanindu Hasaranga, Josh Hazlewood, Mohammed Siraj, Suyash Prabhudessai, Akash Deep
വൈകിട്ട് 7.30ന് മുംബൈ ഡി വൈ പാട്ടീല് സ്റ്റേഡിയത്തിലാണ് മത്സരം. തോറ്റ് തോറ്റ് നിലതെറ്റിയാണ് ചെന്നൈ സൂപ്പര് കിംഗ്സ് വരുന്നതെങ്കില് തുടര്വിജയങ്ങളുമായി മുന്നേറുകയാണ് റോയല് ചലഞ്ചേഴ്സ് ബാംഗ്ലൂര്. ചെന്നൈ ആദ്യ നാല് കളിയിലും തോല്ക്കുന്നത് ഐപിഎല് ചരിത്രത്തില് ആദ്യമായാണ്. തുടര്ച്ചയായി നാല് കളിയില് തോല്ക്കുന്നത് 2010ന് ശേഷം ആദ്യവും. അതേസമയം നാലില് മൂന്ന് ജയമുള്ള ആര്സിബി പട്ടികയില് മൂന്നാം സ്ഥാനത്തുണ്ട്.
28 മത്സരങ്ങളില് ഇരുവരും നേര്ക്കുനേര് വന്നപ്പോള് ചെന്നൈ സൂപ്പര് കിംഗ്സ് 18 കളിയില് ജയിച്ചു. റോയല് ചലഞ്ചേഴ്സ് ബാംഗ്ലൂര് ജയിച്ചത് ഒന്പത് മത്സരങ്ങളില് മാത്രം. ഒരു മത്സരം ഉപേക്ഷിച്ചു. ബാംഗ്ലൂരിന്റെ ഉയര്ന്ന സ്കോര് 205 റണ്സും കുറഞ്ഞ സ്കോര് 70 റണ്സുമാണ്. ചെന്നൈയുടെ ഉയര്ന്ന സ്കോര് 208 റണ്സാണ്. കുറഞ്ഞ സ്കോര് 82 ഉം. കഴിഞ്ഞ സീസണില് ഏറ്റുമുട്ടിയപ്പോള് രണ്ട് തവണയും ചെന്നൈയ്ക്കായിരുന്നു ജയം.
IPL 2022 : ചെന്നൈ സൂപ്പർ കിംഗ്സിന് കനത്ത പ്രഹരം; ദീപക് ചാഹറിന് സീസണ് നഷ്ടമാകുമെന്ന് റിപ്പോര്ട്ട്
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!