അഞ്ച് വിക്കറ്റെടുത്ത ഡോം ബെസിന്റെ ബോളിങ് മികവില് ലങ്ക സ്വന്തം മൈതാനത്ത് തകര്ന്നു. സ്റ്റുവര്ട്ട് ബ്രോഡ് മൂന്ന് വിക്കറ്റ് വീഴ്ത്തി.
ഗല്ലെ(ശ്രീലങ്ക): ശ്രീലങ്കക്കെതിരെ ഒന്നാം ടെസ്റ്റില് നായകന് ജോ റൂട്ടിന്റെ മികവില് ഇംഗ്ലണ്ട് കൂറ്റന് ലീഡിലേക്ക്. ഒന്നാം ഇന്നിംഗ്സില് ശ്രീലങ്കയെ 135 റണ്സിന് പുറത്താക്കിയ ഇംഗ്ലണ്ട് കളി നിര്ത്തുമ്പോള് നാല് വിക്കറ്റ് നഷ്ടത്തില് 320 റണ്സെടുത്തു. ഇപ്പോള് 185 റണ്സ് ലീഡായി. ജോ റൂട്ട് 168 റണ്സെടുത്ത് പുറത്താകാതെ നില്ക്കുന്നു. 73 റണ്സെടുത്ത ഡാന് ലോറന്സും 47 റണ്സെടുത്ത ജോണി ബെയര്സ്റ്റോയുമാണ് തിളങ്ങിയ മറ്റുള്ളവര്. സാക് ക്രോലി(9), ഡോം സിബ്ലി(7) എന്നിവര് പുറത്തായി. ഏഴ് റണ്സുമായി ജോസ് ബട്ലറാണ് റൂട്ടിനൊപ്പം ക്രീസില്. കരിയറിലെ 19ാം സെഞ്ച്വറിയാണ് റൂട്ട് കുറിച്ചത്. 2019ന് ശേഷം അദ്ദേഹത്തിന്റെ ആദ്യ സെഞ്ച്വറിയാണ് ലങ്കന് മണ്ണില് പിറന്നത്.
നേരത്തെ അഞ്ച് വിക്കറ്റെടുത്ത ഡോം ബെസിന്റെ ബോളിങ് മികവില് ലങ്ക സ്വന്തം മൈതാനത്ത് തകര്ന്നു. സ്റ്റുവര്ട്ട് ബ്രോഡ് മൂന്ന് വിക്കറ്റ് വീഴ്ത്തി. 28 റണ്സെടുത്ത ക്യാപ്റ്റന് ദിനേഷ് ചാണ്ഡിമല്, 23 റണ്സെടുത്ത ദാസുന് സനക, 27 റണ്സെടുത്ത ആഞ്ചലോ മാത്യൂസ്, 20 റണ്സെടുത്ത കുശാല് പെരേര എന്നിവരാണ് ലങ്കന് നിരയില് പൊരുതിയത്.