കെസിഎല്‍: രണ്ടാം സെമി ഫൈനലില്‍ കാലിക്കറ്റ് ഗ്ലോബ്‌സ്റ്റാര്‍സിനെതിരെ കൊച്ചി ബ്ലൂ ടൈഗേഴ്‌സിന് ബാറ്റിംഗ് തകര്‍ച്ച

ഭേദപ്പെട്ട തുടക്കമായിരുന്നു ബ്ലൂ ടൈഗേഴ്‌സിന്. ഒന്നാം വിക്കറ്റില്‍ വിനൂപ് മനോഹരന്‍ (16) - വിപുല്‍ ശക്തി (37) സഖ്യം 33 റണ്‍സ് ചേര്‍ത്തു.

തിരുവനന്തപുരം: കേരള ക്രിക്കറ്റ് ലീഗ് രണ്ടാം സെമി ഫൈനലില്‍ കാലിക്കറ്റ് ഗ്ലോബ് സ്റ്റാര്‍സിനെതിരെ കൊച്ചി ബ്ലൂ ടൈഗേഴ്‌സിന് തകര്‍ച്ച. കാര്യവട്ടം, ഗ്രീന്‍ഫീല്‍ഡ് സ്റ്റേഡിയത്തില്‍ ടോസ് നഷ്ടപ്പെട്ട് ബാറ്റിംഗിനെത്തിയ ബ്ലൂ ടൈഗേഴ്‌സ് ഒടുവില്‍ വിവരം ലഭിക്കുമ്പോള്‍ 10 ഓവറില്‍ നാലിന് 66 എന്ന നിലയിലാണ്. നിഖില്‍ (10), അജീഷ് (0) എന്നിവരാണ് ക്രീസില്‍. മനു കൃഷ്ണന്‍, ഹരികൃഷ്മന്‍ എന്നിവര്‍ ഗ്ലോബ്‌സ്റ്റാര്‍സിന് വേണ്ടി രണ്ട് വിക്കറ്റ് വീതം വീഴ്ത്തി. ഇന്ന് ജയിക്കുന്നവര്‍ ഫൈനലില്‍ കൊല്ലം സെയ്‌ലേഴ്‌സിനെ നേരിടും. സഞ്ജു സാംസണ്‍ ഇല്ലാതെയാണ് ബ്ലൂ ടൈഗേഴ്‌സ് ഇറങ്ങുന്നത്.

ഭേദപ്പെട്ട തുടക്കമായിരുന്നു ബ്ലൂ ടൈഗേഴ്‌സിന്. ഒന്നാം വിക്കറ്റില്‍ വിനൂപ് മനോഹരന്‍ (16) - വിപുല്‍ ശക്തി (37) സഖ്യം 33 റണ്‍സ് ചേര്‍ത്തു. അഞ്ചാം ഓവറില്‍ വിനൂപിനെ, മനു പുറത്താക്കി. തുടര്‍ന്നെത്തിയ മുഹമ്മദ് ഷാനുവിന് (1) തിളങ്ങാന്‍ സാധിച്ചില്ല. ഇതോടെ രണ്ടിന് 36 എന്ന നിലയിലായി ബ്ലൂ ടൈഗേഴ്‌സ്. പിന്നീട് വിപുല്‍ - നിഖില്‍ സഖ്യ 30 റണ്‍സ് കൂട്ടിചേര്‍ത്തു. ഇരുവരും ബ്ലൂ ടൈഗേഴ്‌സിന് മുന്നോട്ട് നയിക്കുമെന്ന് തോന്നിക്കെ വിപുലിനെ ഹരികൃഷ്ണന്‍ മടക്കി. പിന്നീടെത്തിയ സാലി സാംസണ്‍ (0) നേരിട്ട ആദ്യ പന്തില്‍ തന്നെ മടങ്ങി. ഇതോടെ നാലിന് 64 എന്ന നിലയിലായി ബ്ലൂ ടൈഗേഴ്‌സ്. ഇനി നിഖില്‍ - അജീഷ് സഖ്യത്തിലാണ് ടീമിന്റെ പ്രതീക്ഷ. ഇരു ടീമുകളുടേയും പ്ലേയിംഗ് ഇലവന്‍ അറിയാം.

കൊച്ചി ബ്ലൂ ടൈഗേഴ്‌സ്: വിനൂപ് മനോഹരന്‍, അജീഷ് കെ, മുഹമ്മദ് ഷാനു, വിപുല്‍ ശക്തി, നിഖില്‍ തോട്ടത്ത്, മുഹമ്മദ് ആഷിക്, സാലി സാംസണ്‍ (ക്യാപ്റ്റന്‍), ജോബിന്‍ ജോബി, ആല്‍ഫി ഫ്രാന്‍സിസ് ജോണ്‍, ജെറിന്‍ പി എസ്, കെ എം ആസിഫ്.

കാലിക്കറ്റ് ഗ്ലോബ്‌സ്റ്റാര്‍സ്: അമീര്‍ഷ എസ് എന്‍, രോഹന്‍ കുന്നുമ്മല്‍ (ക്യാപ്റ്റന്‍), അഖില്‍ സ്‌കറിയ, അജിനാസ്, പള്ളം മുഹമ്മദ് അന്‍ഫല്‍, സുരേഷ് സച്ചിന്‍, ഹരികൃഷ്ണന്‍ എം.യു., മനു കൃഷ്ണന്‍, സുധേശന്‍ മിഥുന്‍, ഇബ്‌നുല്‍ അഫ്താബ്, അഖില്‍ ദേവ്.