ഇന്ത്യക്കെതിരായ ആദ്യ ടെസ്റ്റിനുള്ള ന്യൂസിലന്ഡ് ടീമില് മാറ്റം; ഒരു പേസറെ ടീമില് ഉള്പ്പെടുത്തി
Synopsis
ഇന്ത്യക്കെതിരായ ആദ്യ ടെസ്റ്റിനുള്ള ന്യൂസിലന്ഡ് ടീമില് മാറ്റ് ഹെന്റിയെ ഉള്പ്പെടുത്തി. ഇതുവരെ ന്യൂസിലന്ഡ് ടീമിനൊപ്പം ചേരാത്ത നീല് വാഗ്നര്ക്ക് പകരക്കാരനായിട്ടാണ് ഹെന്റിയെ ഉള്പ്പെടുത്തിയത്.
വെല്ലിങ്ടണ്: ഇന്ത്യക്കെതിരായ ആദ്യ ടെസ്റ്റിനുള്ള ന്യൂസിലന്ഡ് ടീമില് മാറ്റ് ഹെന്റിയെ ഉള്പ്പെടുത്തി. ഇതുവരെ ന്യൂസിലന്ഡ് ടീമിനൊപ്പം ചേരാത്ത നീല് വാഗ്നര്ക്ക് പകരക്കാരനായിട്ടാണ് ഹെന്റിയെ ഉള്പ്പെടുത്തിയത്. ഗര്ഭിണിയായ ഭാര്യയ്ക്കൊപ്പമാണ് വാഗ്നര്. വരും ദിവസങ്ങളില് ഭാര്യ കുഞ്ഞിന് ജന്മം നല്കിയേക്കും. ഇക്കാരണം കൊണ്ടാണ് താരം ടീമിനൊപ്പം ചേരാത്തത്. 21ന് വെല്ലിങ്ടണിലാണ് ആദ്യ ടെസ്റ്റ്. രണ്ട് ടെസ്റ്റുകളാണ് പരമ്പരയിലുള്ളത്.
ഹെന്റി ന്യൂസിലന്ഡായി 12 ടെസ്റ്റുകള് കളിച്ചിട്ടുണ്ട്. താരത്തെ ആദ്യം പ്രഖ്യാപിച്ച ടീമില് ഉള്പ്പെടുത്തിയിരുന്നില്ല. ഹെന്റിക്ക് പകരം കെയ്ല് ജാമിസണിനെയാണ് പരിഗണിച്ചത്. കഴിഞ്ഞമാസം ഓസീസിനെതിരെയാണ് ഹെന്റി അവസാന ടെസ്റ്റ് കളിച്ചത്. രണ്ട് വിക്കറ്റും താരം നേടിയിരുന്നു. താരം ഇന്ന് ന്യൂസിലന്ഡ് ടീമിനൊപ്പം ചേരും.
വാഗ്നര് വ്യാഴാഴ്ച ടീമിനൊപ്പം ചേരുമെന്നാണ് അറിയിച്ചിരുന്നത്. വാഗ്നര്ക്ക് ടീമിനൊപ്പം ചേരാന് സാധിച്ചില്ലെങ്കില് ജാമിസണ് ടെസ്റ്റില് അരങ്ങേറ്റം കുറിക്കും. ഇന്ത്യക്കെതിരെ ഏകദിനത്തില് മികച്ച പ്രകടനമായിരുന്നു ജാമിസണിന്റേത്.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!