രാജസ്ഥാൻ റോയൽസിൽ ഇനി ജോസേട്ടന് ഇല്ല, ഐപിഎല്ലിനിടെ പേര് മാറ്റം ഔദ്യോഗികമായി പ്രഖ്യാപിച്ച് ബട്ലർ
Synopsis
പേര് മാറ്റം ഔദ്യോഗികമായി പ്രഖ്യാപിച്ച് ഇംഗ്ലണ്ട് വൈറ്റ് ബോള് ക്യാപ്റ്റനും രാജസ്ഥാന് റോയല്സ് ഓപ്പണറുമായ ജോസ് ബട്ലർ.
ജയ്പൂര്: ഐപിഎല്ലില് മുംബൈ ഇന്ത്യന്സിനെതിരായ ആവേശപ്പോരാട്ടത്തിനിറങ്ങും മുമ്പ് ഔദ്യോഗികമായി പേര് മാറ്റം പ്രഖ്യാപിച്ച് രാജസ്ഥാന് റോയല്സ് താരം ജോസ് ബട്ലർ. ജോസ് ബട്ലർക്ക് പകരം ഇനി മുതല് താൻ ജോഷ് ബട്ലർ എന്നായിരിക്കും അറിയപ്പെടുകയെന്ന് ബട്ലർ അറിയിച്ചു.
30 വർഷമായി തന്റെ ജീവിത്തില് തുടർന്നു വരുന്നൊരു തെറ്റിന് ഒടുവില് താന് ഔദ്യോഗിക അംഗീകാരം നല്കുകയാണെന്ന് പ്രഖ്യാപിച്ചാണ് ബട്ലർ ഔദ്യോഗികമായി പേര് മാറ്റം പ്രഖ്യാപിച്ചത്. ഇംഗ്ലണ്ട് ക്രിക്കറ്റ് ബോര്ഡിന്റെ സോഷ്യല് മീഡിയയിലൂടെയാണ് ബട്ലർ നിര്ണായക പ്രഖ്യാപനം നടത്തിയത്.
ഒരേസമയം ഒരു ക്യാച്ചിനായി ശ്രമിച്ചത് ഒന്നല്ല, രണ്ടല്ല, മൂന്നുപേര്; ഒടുവില് സംഭവിച്ചത്
അങ്ങനെ ആ പ്രശ്നം പരിഹരിച്ചു. കഴിഞ്ഞ 30 വര്ഷമായി എല്ലാവരും എന്നെ ജോഷ് എന്നാണ് തെറ്റായി വിളിച്ചിരുന്നത്. പലരെയും തിരുത്താന് നോക്കിയിട്ടും നടന്നില്ല. എന്നാല് പിന്നെ ജോഷ് ഔദ്യോഗികമാക്കാമെന്ന് കരുതിയെന്നാണ് ഇംഗ്ലണ്ട് ക്രിക്കറ്റ് ബോര്ഡ് പോസ്റ്റ് ചെയ്ത വീഡിയോയില് ഇംഗ്ലണ്ട് വൈറ്റ് ബോള് ടീം നായകനായ ബട്ലർ പറയുന്നത്.
പ്രിയപ്പെട്ടവരെ ഞാന് ഇംഗ്ലണ്ടിന്റെ വൈറ്റ് ബോള് ക്യാപ്റ്റൻ നിങ്ങളുടെ സ്വന്തം ജോസ് ബട്ലർ.എൻ്റെ ജീവിതകാലം മുഴുവൻ എന്നെ തെറ്റായ പേരാണ് ആളുകള് വിളിച്ചത്, തെരുവിലെ ആളുകൾ മുതല് എൻ്റെ അമ്മ വരെ, എൻ്റെ ജന്മദിന കാർഡിൽ. പ്രിയപ്പെട്ട ജോഷ്, നിനക്ക് വയസാവുന്നു, ജന്മദിനാശംസകൾ. ഒരുപാട് സ്നേഹം എന്നാണ് ആളുകള് കുറിച്ചത്.
അങ്ങനെ, 13 വർഷത്തിന് ശേഷം എൻറെ രാജ്യത്തിനായി രണ്ട് ലോകകപ്പ് വിജയങ്ങൾ നേടിയശേഷം, ഞാനാ പ്രശ്നത്തിന് പരിഹാരം കാണുകയാാണ്. ഞാൻ ഇനി മുതല് ഔദ്യോഗികമായും ജോഷ് ബട്ലറാണ്- ബട്ലർ പറഞ്ഞു. ഔദ്യോഗികമായി പേര് മാറിയശേഷം മുംബൈ ഇന്ത്യന്സിനെതിരെ ആണ് ബട്ലര് ആദ്യ മത്സരം കളിക്കുക.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!