ക്രുനാല് പാണ്ഡ്യക്ക് കൊവിഡ് സ്ഥിരീകരിച്ചു; ഇന്ത്യ- ശ്രീലങ്ക രണ്ടാം ടി20 മാറ്റി
Synopsis
ഇന്ത്യന് ഓള്റൗണ്ടര് ക്രുനാല് പാണ്ഡ്യക്ക് കൊവിഡ് സ്ഥിരീകരിച്ചതിന് പിന്നാലെയാണ് മത്സരം മാറ്റിയത്. ഈ മത്സരം നാളെ നടത്തിയേക്കുമെന്നാണ് പുറത്തുവരുന്ന വിവരങ്ങള്.
കൊളംബൊ: ഇന്ന് നടക്കേണ്ട ഇന്ത്യ- ശ്രീലങ്ക രണ്ടാം ടി20 മത്സരം മാറ്റുവച്ചു. ഇന്ത്യന് ഓള്റൗണ്ടര് ക്രുനാല് പാണ്ഡ്യക്ക് കൊവിഡ് സ്ഥിരീകരിച്ചതിന് പിന്നാലെയാണ് മത്സരം മാറ്റിയത്. ഈ മത്സരം നാളെ നടത്തിയേക്കുമെന്നാണ് പുറത്തുവരുന്ന വിവരങ്ങള്.
എന്നാല് മറ്റ് ടീം അംഗങ്ങളുടേയും സ്റ്റാഫിന്റേയും കോവിഡ് ഫലം നെഗറ്റീവ് ആയാല് മാത്രമെ നാളെ ടി20 മത്സരം കളിക്കൂ. ആദ്യ മത്സരത്തില് പാണ്ഡ്യ കളിച്ചിരുന്നതിനാല് രണ്ട് ടീമിലും ഉള്പ്പെട്ട താരങ്ങളും കോച്ചിംഗ് സ്റ്റാഫും ഐസൊലേഷനിലാണ്.
ഇതോടെ ഇംഗ്ലണ്ടില് ഇന്ത്യന് ടീമിനൊപ്പം ചേരാനിരുന്ന സൂര്യകുമാര് യാദവ്, പൃഥ്വി ഷാ എന്നിവരുടെ യാത്ര അനിശ്ചിതത്വത്തിലായി. ശ്രീലങ്കയ്ക്കെതിരായ ആദ്യ മത്സരം ഇന്ത്യ ജയിച്ചിരുന്നു. മൂന്ന് മത്സരങ്ങളുടെ പരമ്പരയില് ഇന്ത്യ മുന്നിലാണ്.
നേരത്തെ വെസ്റ്റ് ഇന്ഡീസ്- ഓസ്ട്രേലിയ ഏകദിന പരമ്പരയ്ക്കിടെ ഒരു താരത്തിന് കൊവിഡ് സ്ഥിരീകരിച്ചിരുന്നു. ഇതിനെ തുടര്ന്ന് മാറ്റിവച്ച ഒരു മത്സരം പിന്നീട് പൂര്ത്തിയാക്കുകയായിരുന്നു.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!