'ആ അധ്യായം ഇവിടെ അവസാനിക്കുന്നു'; പലാഷ് മുച്ചാലുമായുള്ള വിവാഹം, മൗനം വെടിഞ്ഞ് സ്മൃതി മന്ദാന
Synopsis
ഇന്ത്യൻ വനിതാ ക്രിക്കറ്റർ സ്മൃതി മന്ദാന, സംഗീത സംവിധായകൻ പലാഷ് മുച്ചാലുമായുള്ള വിവാഹം റദ്ദാക്കിയതായി ഔദ്യോഗികമായി സ്ഥിരീകരിച്ചു. 'ഈ അധ്യായം ഇവിടെ അവസാനിക്കുന്നു' എന്ന് താരം, സോഷ്യൽ മീഡിയയിൽ കുറിച്ചിട്ടു.
മുംബൈ: പലാഷ് മുച്ചാലുമായുള്ള വിവാഹത്തിന്റെ കാര്യത്തില് മൗനം വെടിഞ്ഞ് ഇന്ത്യന് വനിതാ ക്രിക്കറ്റര് സ്മൃതി മന്ദാന. വിവാഹം റദ്ദാക്കിയതായി മന്ദാന ആദ്യമായി സ്ഥിരീകരിച്ചു. ഈ അധ്യായം ഇവിടെ അവസാനിക്കുന്നുവെന്നും രണ്ട് കുടുംബങ്ങളുടെയും സ്വകാര്യത മാനിക്കണമെന്നും മന്ദാന സോഷ്യല് മീഡിയ അക്കൗണ്ടില് പങ്കുവച്ച പോസ്റ്റില് പറയുന്നു. രാജ്യത്തിന് വേണ്ടി തുടര്ന്നും കളിച്ച് ട്രോഫികള് സ്വന്തമാക്കുകയാണ് ലക്ഷ്യമെന്നും പോസ്റ്റില് മന്ദാന വ്യക്തമാക്കി. പിന്തുണച്ച എല്ലാവര്ക്കും നന്ദി, മുന്നോട്ട് പോകാന് സമയമായി. താരം കുറിച്ചിട്ടു.
തമ്മിലുള്ള വിവാഹം നീട്ടിവെച്ചതിന് ശേഷമുള്ള സ്മൃതിയുടെ ആദ്യ സോഷ്യല് മീഡിയ പോസ്റ്റ് ആരാധകര്ക്കിടയില് ചര്ച്ചയായിരുന്നു. പുതിയ ഫോട്ടോയില് താരത്തിന്റെ കൈയ്യില് വിവാഹ നിശ്ചയ മോതിരം കാണാനില്ലെന്നതാണ് സാമൂഹിക മാധ്യമങ്ങളില് ചര്ച്ചയായത്. എന്നാല്, വിവാഹം നീട്ടിവെച്ചതുമായി ബന്ധപ്പെട്ട് ഔദ്യോഗിക പ്രതികരണമൊന്നും സ്മൃതിയുടെ ഭാഗത്ത് നിന്ന് ഉണ്ടായിരുന്നു. ഇത്തരം ഊഹാപോഹങ്ങള്ക്കാണ് ഇപ്പോള് അവസാനമായിരിക്കുന്നത്.
മുച്ചാലുമായി മന്ദാനയുടെ വിവാഹം ഈ വര്ഷം ഡിസംബറില് നടക്കുമെന്നായിരുന്നു നേരത്തെയുള്ള റിപ്പോര്ട്ടുകള്. കഴിഞ്ഞ മാസം 23ന് നടക്കേണ്ടിയിരുന്ന വിവാഹം സ്മൃതിയുടെ പിതാവിന്റെ അരോഗ്യസ്ഥിതി പെട്ടെന്ന് മോശമായതിനെ തുടര്ന്ന് മാറ്റിവെച്ചിരുന്നു. പിന്നാലെ പലാഷ് മുച്ചലിന്റെ വഴിവിട്ട ബന്ധങ്ങളാണ് വവാഹം മാറ്റിവെക്കാന് കാരണമായതെന്ന സ്ഥിരീകരിക്കാത്ത റിപ്പോര്ട്ടുകളും വന്നു. എന്നാല് ഇതിനോടൊന്നും ഇരു കുടുംബങ്ങളും ഇതുവരെ പ്രതികരിച്ചിരുന്നില്ല.
വിവാഹം മാറ്റിവെച്ചതിന് പിന്നാലെ വിവാഹവുമായി ബന്ധപ്പെട്ട എല്ലാ പോസ്റ്റുകളും സ്മൃതിയും ഇന്ത്യന് ടീമിലെ സുഹൃത്തുക്കളും സമൂഹമാധ്യമങ്ങളില് നിന്ന് നീക്കം ചെയ്യുകയും ചെയ്തു. ഇതും അഭ്യൂഹങ്ങള്ക്ക് ആക്കം കൂട്ടി. ഇതിനിടെയാണ് സ്മൃതിയുടെ വിവാഹം ഡിസംബര് ഏഴിന് നടക്കുമെന്ന റിപ്പോര്ട്ടുകള് പുറത്തുവന്നത്. എന്നാല് ഇത്തരം അഭ്യൂഹങ്ങളെക്കുറിച്ച് തനിക്കൊന്നും അറിയില്ലെന്നും നിലവിലെ സാഹചര്യത്തില് വിവാഹം മാറ്റിവെച്ചിരിക്കുകയാണെന്നും സ്മൃതിയുടെ സഹോദരന് ശ്രാവണ് മന്ദാന ഹിന്ദുസ്ഥാന് ടൈംസിനോട് പറഞ്ഞു.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!