സ്മിത്ത്, വാര്ണര്, ലാബുഷെയ്ന്, ഇന്ത്യക്ക് ഒന്നും എളുപ്പമാവില്ലെന്ന് ടിം പെയ്ന്
Synopsis
സ്റ്റീവ് സ്മിത്തും ഡേവിഡ് വാര്ണറും ചേര്ന്ന് 15000ല് അധികം റണ്സടിച്ചിട്ടുണ്ട്. മാര്നസ് ലാബുഷെയ്ന് കൂടി ചേരുന്നതോടെ ഓസീസ് ബാറ്റിംഗ് കൂടുതല് കരുത്തുറ്റതാകുന്നു.
സിഡ്നി: ഈ വര്ഷം ഓസ്ട്രേലിയയില് പര്യടനത്തിന് ഒരുങ്ങുന്ന ഇന്ത്യന് ക്രിക്കറ്റ് ടീമിന് മുന്നറിയിപ്പുമായി ഓസീസ് ടെസ്റ്റ് ടീം നായകന് ടിം പെയ്ന്. സ്റ്റീവ് സ്മിത്തും ഡേവിഡ് വാര്ണറും ടീമില് തിരിച്ചെത്തിയതിനാല് ഇന്ത്യക്ക് കാര്യങ്ങള് അത്ര എളുപ്പമാവില്ലെന്ന് പെയ്ന് പറഞ്ഞു.കഴിഞ്ഞ വര്ഷം ഇന്ത്യ നേരിട്ട ടീമില് നിന്ന് തികച്ചും വ്യത്യസ്തമായ ഓസീസ് ടീമാണിത്. ഇന്ത്യയും കുറച്ച് മാറിയിട്ടുണ്ടെന്ന് അറിയാം. ഉയര്ന്ന നിലവാരമുള്ള രണ്ട് ടീമുകള് പരസ്പരം ഏറ്റുമുട്ടുന്നത് കാണാന് ആരാധകര് കാത്തിരിക്കുകയാണ്.ആഷസിനോളം ആവേശം നിറക്കുന്ന പരമ്പരയാണ് ഇന്ത്യക്കെതിരെയുളളതെന്നും പെയ്ന് പറഞ്ഞു.
മാത്യു വെയ്ഡ് ബാറ്റ്സ്മാനെന്ന നിലയില് മാത്രം കളിക്കുന്നതും ടീമിന് ഏറെ ഗുണകരമാണ്. കഴിഞ്ഞതവണത്തേക്കാള് ട്രാവ് ഹെഡ്ഡും ഏറെ മെച്ചപ്പെട്ടു. അതുകൊണ്ടുതന്നെ ആവേശകരമായ പരമ്പരയാണ് വരാനിരിക്കുന്നത്. അതിനായി ഇനിയും കാത്തിരിക്കാനാവുന്നില്ല-പെയ്ന് പറഞ്ഞു. പെയ്നിന്റെ ക്യാപ്റ്റന്സിയിലാണ് കഴിഞ്ഞ തവണ ഓസീസ് ആദ്യമായി നാട്ടില് ഇന്ത്യക്കെതിരെ ടെസ്റ്റ് പരമ്പര കൈവിട്ടത്. പന്ത് ചുരണ്ടല് വിവാദത്തില് വിലക്കിലായിരുന്ന സ്റ്റീവ് സ്മിത്തും ഡേവിഡ് വാര്ണറും ഇല്ലാതെയാണ് അന്ന് ഓസീസ് ഇന്ത്യക്കെതിരെ ഇറങ്ങിയത്.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!