ദുലീപ് ട്രോഫി: സൗത്ത് സോണിന് തിരിച്ചടി! ഫൈനലില് ജഗദീശനും ദേവ്ദത്തും കളിക്കില്ല, പകരക്കാരെ തീരുമാനിച്ചു
Synopsis
ജഗദീശനും ദേവ്ദത്തും ഇന്ത്യ എ ടീമിനൊപ്പം ചേരുന്നതിനാല് ആന്ദ്രെ സിദ്ധാര്ത്ഥ്, സ്മരണ് രവിചന്ദ്രന് എന്നിവരെയാണ് പകരക്കാരായി ടീമിലെത്തിച്ചത്.
ബെംഗളൂരു: ദുലീപ് ട്രോഫി ഫൈനലിനുള്ള സൗത്ത് സോണ് ടീമിലേക്ക് രണ്ട് താരങ്ങള് കൂടി. ആന്ദ്രെ സിദ്ധാര്ത്ഥ് (തമിഴ്നാട്), സ്മരണ് രവിചന്ദ്രന് (കര്ണാടക) എന്നിവരെയാണ് സെലക്റ്റര്മാര് ടീമില് ഉള്പ്പെടുത്തിയത്. എന് ജഗദീശന്, ദേവദത്ത് പടിക്കല് എന്നിവര്ക്ക് പകരക്കാരായിട്ടാണ് ഇരുവരും വരുന്നത്. ജഗദീശനും ദേവ്ദത്തും ഇന്ത്യ എ ടീമിനൊപ്പം ചേരുന്നതുകൊണ്ടാണ് മാറ്റം വരുത്തേണ്ടി വന്നത്. ഇരുവരും ഓസ്ട്രേലിയ എയ്ക്കെതിരെ ചതുര്ദിന പരമ്പരയ്ക്കുള്ള ഇന്ത്യന് ടീമില് ഉള്പ്പെട്ടിരുന്നു.
കൂടാതെ ടീമിന്റെ പുതിയ വൈസ് ക്യാപ്റ്റനായി റിക്കി ഭൂയിയെയും നിയമിച്ചു. നോര്ത്ത് സോണിനെതിരായ സമനിലയില് കലാശിച്ച സെമിഫൈനലില് ജഗദീശന് പ്ലെയര് ഓഫ് ദ മാച്ച് ആയിരുന്നു. ആദ്യ ഇന്നിംഗ്സില് 197 റണ്സ് നേടിയ ജഗദീശന് സൗത്ത് സോണിന് മികച്ച ലീഡ് നേടിക്കൊടുത്തു. രണ്ടാം ഇന്നിംഗ്സില് അദ്ദേഹം പുറത്താകാതെ 52 റണ്സ് നേടി. കൂടാതെ അജയ് റോഹേര (പോണ്ടിച്ചേരി), അനികേത് റെഡ്ഡി (ഹൈദരാബാദ്) എന്നിവരെ കിരീടപ്പോരാട്ടത്തിനുള്ള സ്റ്റാന്ഡ്-ബൈ താരങ്ങളായം ഉള്പ്പെടുത്തി. 11ന് ആരംഭിക്കുന്ന ഫൈനലില് സൗത്ത് സോണ്, സെന്ട്രല് സോണിനെ നേരിടും.
സൗത്ത് സോണ്: അസ്ഹറുദ്ദീന് (ക്യാപ്റ്റന് & വിക്കറ്റ് കീപ്പര്), റിക്കി ഭുയി (വൈസ് ക്യാപ്റ്റന്), സ്മരണ് രവിചന്ദ്രന്, കാലെ എം, ഷെയ്ഖ് റഷീദ്, തന്മയ് അഗര്വാള്, സല്മാന് നിസാര്, ആന്ഡ്രൂ സിദ്ധാര്ത്ഥ്, തനയ് ത്യാഗരാജന്, ഗുര്ജബ്നീത് സിംഗ്, നിധീഷ്, കൗശിക്, കൗശിക്, കൗശിക് വി.
സ്റ്റാന്ഡ് ബൈ: മോഹിത് റെഡ്കര് (ഗോവ), സ്നേഹല് കൗതങ്കര് (ഗോവ), ഈഡന് ആപ്പിള് ടോം (കേരളം), അജയ് റോഹറ (പോണ്ടിച്ചേരി), ജി അനികീത് റെഡ്ഡി (ഹൈദരാബാദ്).
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!