IPL 2022 : കോലി ഏറ്റവും കൂടുതല് ഇഷ്ടപ്പെട്ട ജേഴ്സി! എക്കാലത്തേയും മികച്ചതോ? ആര്സിബിയുടെ കിറ്റ് പുറത്ത്
Synopsis
ഇപ്പോള് പുതിയ സീസണിലേക്കുള്ള കിറ്റ് പുറത്തിറക്കിയിരിക്കുയാണ് ആര്സിബി. തങ്ങളുടെ ഔദ്യോഗിക സോഷ്യല് മീഡിയ അക്കൗണ്ടുകളിലൂടെയാണ് ജേഴ്സി അവതരിപ്പിച്ചത്. മുന് ക്യാപ്റ്റന് കോലിയിലൂടെയാണ് ജേഴ്സി അവതരിപ്പിച്ചത്.
ബംഗളൂരു: ഇന്ത്യന് പ്രീമിയര് ലീഗ് 15-ാം സീസണ് (IPL 2022) ആരംഭിക്കാനിരിക്കെ അടിമുടി മാറ്റത്തിനൊരുങ്ങുകയാണ് റോയല് ചലഞ്ചേഴ്സ് ബാംഗ്ലൂര് (RCB). കുറച്ച് സമയം മുമ്പാണ് അവര് പുതിയ നായകനെ പ്രഖ്യാപിച്ചത്. വിരാട് കോലിക്ക് (Virat Kohli) പകരക്കാരനായെത്തുന്നത് ദക്ഷിണാഫ്രിക്കന് വെറ്ററന് താരം ഫാഫ് ഡു പ്ലെസിസാണ് (Faf du Plessis). ദിനേശ് കാര്ത്തിക്, ഗ്ലെന് മാക്സ്വെല് എന്നിവരുടെ പേരുകളു നായകസ്ഥാനത്തേക്ക് പരിഗണിച്ചിരുന്നു. കാര്ത്തികാണ് ആര്സിബിയുടെ വൈസ് ക്യാപ്റ്റന്.
ഇപ്പോള് പുതിയ സീസണിലേക്കുള്ള കിറ്റ് പുറത്തിറക്കിയിരിക്കുയാണ് ആര്സിബി. തങ്ങളുടെ ഔദ്യോഗിക സോഷ്യല് മീഡിയ അക്കൗണ്ടുകളിലൂടെയാണ് ജേഴ്സി അവതരിപ്പിച്ചത്. മുന് ക്യാപ്റ്റന് കോലിയിലൂടെയാണ് ജേഴ്സി അവതരിപ്പിച്ചത്.
രണ്ടാമത് പുറത്തുവിട്ട ഫോട്ടോയില് കോലിയും ഡുപ്ലെസിയുമുണ്ട്. ജേഴ്സി എങ്ങനെയുണ്ടെന്നാണ് ഫ്രാഞ്ചൈസി ആരാധകരോട് ചോദിച്ചിരിക്കുന്നു. ഇതുവരെയുള്ള ഏറ്റവും മികച്ച ആര്സിബി കിറ്റാണോ എന്നുള്ളൊരു ചോദ്യം കൂടിയുണ്ട്.
കിറ്റുമായി ബന്ധപ്പെട്ട മൂന്നാമത്തെ പോസ്റ്റില് കോലി സംസാരിക്കുന്നുണ്ട്. ''സവിശേഷമായ എന്തോ ജേഴ്സിയിലുണ്ടെന്ന് തോന്നുന്നു. ്അണിഞ്ഞത് മുതല് ഏറെ ഇഷ്ടപ്പെട്ടു. എനിക്കും ഏറ്റവും ഇഷ്ടപ്പെട്ട ആര്സിബി ജേഴ്സിയാണിത്.'' കോലി വീഡിയോയില് പറഞ്ഞു.
നേരത്തെ, ഫാഫിനെ കുറിച്ചും കോലി സംസാരിച്ചിരുന്നു. കോലിയുെട വാക്കുകള്... ''ഐപിഎല് സീസണില് ആരംഭിക്കാനിരിക്കുകയാണ്. ഞാന് വളരെയധികം ആകാംക്ഷയോടെയാണ് കാത്തിരിക്കുകയാണ്. എന്നാല് പ്രധാനപ്പെട്ട വാര്ത്ത ഫാഫ് ടീമിനെ നയിക്കുന്നുവെന്നുള്ളതാണ്. ബാറ്റണ് കൈമാറുന്നതില് എനിക്ക് സന്തോഷമേയുള്ളൂ.
വര്ഷങ്ങളായി എനിക്കറിയാവുന്ന അടുത്ത സുഹൃത്താണ് ഫാഫ്. ഒരുപാട് കാലത്തെ സൗഹൃദം ഞങ്ങള് തമ്മിലുണ്ട്. ക്രിക്കറ്റിന് പുറത്തും എനിക്ക് ഒരുപാട് അടുത്തറിയാവുന്നയാളാണ് ഫാഫ്. അതുകൊണ്ടുതന്നെ ആകാംക്ഷയോടെയാണ് ഞാന് അദ്ദേഹത്തിന് കീഴില് കളിക്കാന് കാത്തിരിക്കുന്നത്. മാക്സ്വെല് കൂടി ഉള്പ്പെടുന്ന നിര ഇത്തവണ വളരെ ശക്തമാണ്.'' കോലി പറഞ്ഞു.
ഈമാസം ഇരുപത്തിയാറിനാണ് ഐപിഎല് 2022ന് തുടക്കമാവുക. 27ന് പഞ്ചാബ് കിംഗ്സിനെതിരെയാണ് ആര്സിബിയുടെ ആദ്യ മത്സരം. ഐപിഎല് മെഗാതാരലേലത്തിന് മുമ്പ് 15 കോടി രൂപ നല്കിയാണ് കോലിയെ ആര്സിബി ഇത്തവണ നിലനിര്ത്തിയത്. കോലിക്ക് പുറമെ ഗ്ലെന് മാക്സ്വെല്, മുഹമ്മദ് സിറാജ് എന്നിവരെയാണ് റോയല് ചലഞ്ചേഴ്സ് ബാംഗ്ലൂര് നിലനിര്ത്തിയത്.
ഹര്ഷല് പട്ടേല്, വനിന്ദു ഹസരങ്ക, ജോഷ് ഹേസല്വുഡ്, ഫാഫ് ഡുപ്ലസിസ്, ദിനേശ് കാര്ത്തിക്, അനുജ് റാവത്ത്, ഷഹ്ബാസ് അഹമ്മദ്, ഡേവിഡ് വില്ലി, മഹിപാല് ലോംറര്, ഷെര്ഫെയ്ന് റൂതര്ഫോഡ്, ഫിന് അലന്, ജേസണ് ബെഹ്റെന്ഡോര്ഫ്, സിദ്ധാര്ഥ് കൗള്, കരണ് ശര്മ്മ, സുയാഷ് പ്രഭൂദേശായ്, ചമാ മിലിന്ദ്, അനീശ്വര് ഗൗതം, ലവ്നിത് സിസോദിയ, ആകാഷ് ദീപ് എന്നിവരെ ആര്സിബി ലേലത്തിലൂടെ സ്വന്തമാക്കി.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!