ഇന്ത്യ-വിന്‍ഡീസിസ് നാലാം ടി20; ആരാധകരെ നിരാശരാക്കി കാലാവസ്ഥാ പ്രവചനം

പരമ്പരയിലെ അവസാന മത്സരവും ഞായറാഴ്ച  ഇതേ വേദിയില്‍ നടക്കും. അഞ്ച് മത്സര പരമ്പരയില്‍ മൂന്ന് മത്സരങ്ങള്‍ കഴിഞ്ഞപ്പോള്‍ ഇന്ത്യ 2-1ന് പരമ്പരയില്‍ മുന്നിലാണ്. ഇന്നത്തെ മത്സരം ജയിച്ചാല്‍ ഏകദിന പരമ്പരക്ക് പിന്നാലെ ടി20 പരമ്പരയും ഇന്ത്യക്ക് കീശയിലാക്കാം.

ഫ്ലോറിഡ: വെസ്റ്റ് ഇന്‍ഡീസിനെതിരായ ടി20 പരമ്പരയിലെ നാലാം മത്സരത്തിന് ഇന്ത്യ ഇന്ന് ഇറങ്ങുകയാണ്. അമേരിക്കയിലെ ഫ്ലോറിഡയിലെ ലൗഡര്‍ഹില്ലിലുള്ള സെന്‍ട്രല്‍ ബ്രോവാര്‍ഡ് റീജിയണല്‍ പാര്‍ക്ക് സ്റ്റേഡിയമാണ് മത്സരത്തിന് വേദിയാവുന്നത്.

പരമ്പരയിലെ അവസാന മത്സരവും ഞായറാഴ്ച  ഇതേ വേദിയില്‍ നടക്കും. അഞ്ച് മത്സര പരമ്പരയില്‍ മൂന്ന് മത്സരങ്ങള്‍ കഴിഞ്ഞപ്പോള്‍ ഇന്ത്യ 2-1ന് പരമ്പരയില്‍ മുന്നിലാണ്. ഇന്നത്തെ മത്സരം ജയിച്ചാല്‍ ഏകദിന പരമ്പരക്ക് പിന്നാലെ ടി20 പരമ്പരയും ഇന്ത്യക്ക് കീശയിലാക്കാം. അതേസമയം, ഫ്ലോറിഡയില്‍ ബാറ്റിംഗ് വെടിക്കെട്ട് പ്രതീക്ഷിച്ചിരിക്കുന്ന ആരാധകരെ നിരാശരാക്കുന്നതാണ് മത്സരദിനത്തിലെ കാലവസ്ഥാ പ്രവചനം.

70 ശതമാനം മേഘാവൃതമായിരിക്കുന്ന അന്തരീക്ഷത്തില്‍ മത്സരത്തിന് മുമ്പ് മഴ പെയ്യാനിടയുണ്ടെന്നാണ് കാലവസ്ഥാ പ്രവചനം. എന്നാല്‍ മത്സരസമയത്ത് മഴ പെയ്യുമെന്ന പ്രവചനമില്ലാത്തത് ആശ്വാസകരമാണ്. മത്സരത്തിന് തൊട്ടു മുമ്പ് വരെ മഴ പെയ്താല്‍ ഗ്രൗണ്ട് ഒരുക്കുന്നതിനായി കൂടുതല്‍  സമയം വേണ്ടി വരും. ഈ സാഹചര്യത്തില്‍ ഇന്ത്യന്‍ സമയം രാത്രി എട്ടിന് ആരംഭിക്കേണ്ട മത്സരം വൈകി തുടങ്ങാനുളള സാധ്യതയുണ്ടെന്നാണ് റിപ്പോര്‍ട്ട്.

ഫ്ലോറിഡയിലെ ലൗഡർഹില്ലിലെ പിച്ചിന്‍റെ പ്രവചനാതീത സ്വഭാവം മത്സരത്തെ ആവേശകരമാക്കുമെന്നാണ് ആരാധകർ കരുതുന്നത്. ഇവിടെ നടന്ന നാലു മത്സരങ്ങളിൽ രണ്ടെണ്ണം ഇന്ത്യ ജയിച്ചപ്പോൾ ഒരെണ്ണം വിൻഡീസ് ജയിച്ചു. ഒരു മത്സരം മഴമൂലം ഫലമില്ലാതെ ഉപേക്ഷിച്ചു.

ഇന്ത്യന്‍ ടിം ഇവരില്‍ നിന്ന്: India: Rohit Sharma (c), Ishan Kishan, Sanju Samson, Suryakumar Yadav, Deepak Hooda, Shreyas Iyer, Dinesh Karthik, Rishabh Pant, Hardik Pandya, Ravindra Jadeja, Axar Patel, Ravichandran Ashwin, Ravi Bishnoi, Kuldeep Yadav, Bhuvneshwar Kumar, Avesh Khan, Harshal Patel, Arshdeep Singh.