ഭീഷണിപ്പെടുത്തിയ യുവാവിനെ ഇന്സ്റ്റ സുഹൃത്തിന്റെ സഹായത്തോടെ കൊന്ന് കുഴിച്ചുമൂടി വിദ്യാര്ത്ഥിനികള്
Synopsis
തിരുവള്ളൂര് ജില്ലയിലെ റെഡ്ഹില്സിന് അടുത്തുള്ള ഈച്ചംകാട്ടുമേട് ഗ്രാമത്തിലാണ് സിനിമയെ വെല്ലുന്ന സംഭവങ്ങള് അറങ്ങേറിയത്. രണ്ട് പത്താം ക്ലാസ് വിദ്യാര്ത്ഥിനികളെയാണ് കോളേജില് പഠിക്കുന്ന പ്രേംകുമാര് എന്നയാള് സ്വകാര്യ ദൃശ്യങ്ങള് കാണിച്ച് ഭീഷണിപ്പെടുത്തിയത്.
ചെന്നൈ: സ്വകാര്യ ദൃശ്യങ്ങള് കാണിച്ച് ഭീഷണിപ്പെടുത്തിയ യുവാവിനെ മറ്റൊരു സുഹൃത്തിന്റെ സഹായത്തോടെ കൊന്ന് കുഴിച്ചുമൂടി വിദ്യാര്ത്ഥിനികള്. സംഭവത്തില് പെണ്കുട്ടികളെ പൊലീസ് കസ്റ്റഡിയില് എടുത്തിട്ടുണ്ട്. കൃത്യത്തിന് പെണ്കുട്ടികളെ സഹായിച്ച റെഡ്ഹില് സ്വദേശി അശോകിനായി പൊലീസ് തിരച്ചില് ആരംഭിച്ചിട്ടുണ്ട്.
തിരുവള്ളൂര് ജില്ലയിലെ റെഡ്ഹില്സിന് അടുത്തുള്ള ഈച്ചംകാട്ടുമേട് ഗ്രാമത്തിലാണ് സിനിമയെ വെല്ലുന്ന സംഭവങ്ങള് അറങ്ങേറിയത്. രണ്ട് പത്താം ക്ലാസ് വിദ്യാര്ത്ഥിനികളെയാണ് കോളേജില് പഠിക്കുന്ന പ്രേംകുമാര് എന്നയാള് സ്വകാര്യ ദൃശ്യങ്ങള് കാണിച്ച് ഭീഷണിപ്പെടുത്തിയത്. ഇയാള്ക്ക് 21 വയസായിരുന്നു. തുടര്ന്നാണ് അശോകിന്റെയും അയാളുടെ സഹായത്തോടെയും പെണ്കുട്ടികള് പ്രേംകുമാറിനെ കൊലപ്പെടുത്തിയത്.
സംഭവത്തില് കേസ് അന്വേഷിച്ച അരംബാക്കം പൊലീസ് പറയുന്നത് ഇങ്ങനെ, ഈച്ചംകാട്ടുമേട് സ്വദേശികളാണ് വിദ്യാര്ത്ഥിനികള്. താമ്പരം ഒട്ടേരി സ്വദേശിയായ പ്രേംകുമാര് ഇവരുമായി പരിചയത്തിലായി. രണ്ടുപേരോടും പ്രേമമാണെന്നാണ് പ്രേംകുമാര് പറഞ്ഞത്. എന്നാല് ഇത് ഇവര്ക്ക് പരസ്പരം അറിയില്ലായിരുന്നു. അതിനിടെ ഇരുവരുടെയും സ്വകാര്യ ദൃശ്യങ്ങള് പ്രേംകുമാര് പകര്ത്തി. ഇത് വച്ച് ഇവരെ ഭീഷണിപ്പെടുത്താന് ആരംഭിച്ചു.
കഴിഞ്ഞ ഒരു വര്ഷമായി ഈ ഭീഷണിപ്പെടുത്തല് തുടരുന്നു. ഒരുലക്ഷത്തോളം രൂപ പ്രേംകുമാര് പെണ്കുട്ടികളുടെ കൈയ്യില് നിന്നും തട്ടി. ഇതിനിടെ തങ്ങള് രണ്ടുപേരെയും പ്രേംകുമാര് ചതിക്കുന്നു എന്ന കാര്യം പെണ്കുട്ടികള് മനസിലാക്കി. പ്രേംകുമാറിന്റെ ശല്യം സഹിക്കാതെ പെണ്കുട്ടികള് ഇന്സ്റ്റഗ്രാം സുഹൃത്തായ അശോകിന്റെ സഹായം തേടി. പ്രേംകുമാറിന്റെ ഫോണ് കൈക്കലാക്കി ചിത്രങ്ങള് ഡിലീറ്റ് ചെയ്യാനാണ് സഹായം അഭ്യര്ത്ഥിച്ചത്.
അശോകിന്റെ നിര്ദേശപ്രകാരം പണം നല്കാന് എന്ന് പറഞ്ഞ്, പ്രേംകുമാറിനെ പെണ്കുട്ടികള് ഷോളാവാരത്ത് വിളിച്ചുവരുത്തി. അവിടെ വച്ച് അശോകും കൂട്ടരും ഇയാളെ തട്ടിക്കൊണ്ടുപോയി. പിന്നീട് മര്ദ്ദിച്ച് കൊലപ്പെടുത്തി കുഴിച്ചിടുകയുമായിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ Crime News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam