
മുംബൈ: അന്ധേരിയിലെ സെവൻ ബംഗ്ലാവിനടുത്തുവെച്ച് യുവാവിനെ വെടിവെച്ച 25കാരനെ വെർസോവ പൊലീസ് അറസ്റ്റ് ചെയ്തു. അല്ത്താഫ് ഷെയ്ക്ക് എന്ന യുവാവിനെയാണ് പൊലീസ് പിടികൂടിയത്. താനിഷ്ടപ്പെട്ട പെണ്കുട്ടിയെ സ്വന്തമാക്കാനായാണ് പെണ്കുട്ടിയുടെ കാമുകനായ യുവാവിനെ അല്ത്താഫ് വെടിവെച്ച് കൊലപ്പെടുത്താന് ശ്രമിച്ചതെന്ന് വെര്സോവ പൊലീസ് വ്യക്തമാക്കി.
താനിഷ്ടപ്പെടുന്ന യുവതിക്ക് മറ്റൊരു പ്രണയമുണ്ടെന്ന് മനസിലാക്കിയതോടെ അവളെ സ്വന്തമാക്കാനാണ് യുവാവിനെ വെടി വെച്ചതെന്ന് പ്രതി പൊലീസിനോട് പറഞ്ഞു. യുവാവ് താമസിക്കുന്ന വീടിനടുത്ത് ബൈക്കിലെത്തി യുവാവ് കാത്തിരുന്നു. യുവാവ് വീടിന് പുറത്തിറങ്ങിയ ഉടനെ അല്ത്താഫ് വെടിയുതിര്ക്കുകയായിരുന്നു. വെടിയൊച്ച കേട്ട് ഓടിയെത്തിയ നാട്ടുകാര് പ്രതിയെ പിടികൂടി പൊലീസിലേല്പ്പിച്ചു.
ഇയാളുടെ കൈയ്യില് നിന്നും പൊലീസ് നാടന് തോക്കും വെടിയുണ്ടകളും കണ്ടെടുത്തു. ഇയാള് തോക്ക് എവിടെ നിന്ന് വാങ്ങിയതാണെന്ന് അന്വേഷിക്കുമെന്ന് പൊലീസ് പറഞ്ഞു. വെടിയേറ്റ യുവാവിനെ ആശുപത്രിയില് പ്രവേശിപ്പിച്ചിരിക്കുകയാണ്. ഇയാളുടെ പരാതിയില് പൊലീസ് പ്രതിക്കെതിരെ കൊലപാതക്കുറ്റത്തിന് കേസെടുത്തിട്ടുണ്ട്.
ഇന്ത്യയിലെയും ലോകമെമ്പാടുമുള്ള എല്ലാ Crime News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam