ആ​ഗ്രയിൽ വാഹനാപകടം: രണ്ട് പേർ മരിച്ചു; പന്ത്രണ്ട് പേർക്ക് പരിക്ക്

പരിക്കറ്റവരിൽ‌ രണ്ട് പേരുടെ സ്ഥിതി ​ഗുരുതരമാണ്. ഇവരിൽ 10 പേരെ പ്രഥമശുശ്രൂഷയ്ക്ക് ശേഷം ഡിസ്ചാർജ് ചെയ്തതായി അധികൃതർ അറിയിച്ചു. 

ആ​ഗ്ര: ഉത്തർപ്രദേശിലെ ആ​ഗ്രയിൽ ബസ് 20 അടി ആഴത്തിലുള്ള കുഴിയിലേക്ക് വീണ്  രണ്ട് പേർ കൊല്ലപ്പെടുകയും ഒരു ഡസനിലധികം പേർക്ക് പരിക്കേൽക്കുകയും ചെയ്തു. ആഗ്രയിൽ നിന്ന് ലഖ്‌നൗവിലേക്ക് പോവുകയായിരുന്ന ഉത്തർപ്രദേശ് സ്റ്റേറ്റ് റോഡ് ട്രാൻസ്പോർട്ട് കോർപ്പറേഷന്റെ വോൾവോ ബസ്  ആണ് അപകടത്തിൽ പെട്ടത്. ആഗ്ര-ലഖ്‌നൗ എക്സ്പ്രസ് ഹൈവേയിലാണ് അപകടമുണ്ടായത്. ആഗ്രയിലെ സീനിയർ പോലീസ് സൂപ്രണ്ട് ബബ്ലൂ കുമാർ രണ്ട് മരണങ്ങൾ സ്ഥിരീകരിച്ചു. 

പരിക്കറ്റവരിൽ‌ രണ്ട് പേരുടെ സ്ഥിതി ​ഗുരുതരമാണ്. ഇവരിൽ 10 പേരെ പ്രഥമശുശ്രൂഷയ്ക്ക് ശേഷം ഡിസ്ചാർജ് ചെയ്തതായി അധികൃതർ അറിയിച്ചു. ബസ് ഡിവിഡറുമായി കൂട്ടിയിടിച്ച് ബാലൻസ് നഷ്ടപ്പെട്ട് കുഴിയിൽ വീഴുകയായിരുന്നുവെന്ന് ദൃക്സാക്ഷികൾ പറഞ്ഞു. ആഗ്ര-ലഖ്‌നൗ എക്സ്പ്രസ് വേയിൽ അപകടങ്ങൾക്ക് സാധ്യതയുള്ളതും മൂടൽ മഞ്ഞ് നിറഞ്ഞ കാലാവസ്ഥയുമാണുള്ളത്. വെള്ളിയാഴ്ച രാത്രി സംസ്ഥാനത്തെ കണ്ണുവാജ് ജില്ലയിൽ ഒരു സ്വകാര്യ ഡബിൾ ഡെക്കർ ബസിന് ട്രക്കുമായി കൂട്ടിയിടിച്ച് 11 പേർ മരിച്ചിരുന്നു.