പൂച്ചയെ സ്ക്രൂ ഡ്രൈവറുകൊണ്ട് അടിച്ചുകൊന്നു, വടിയില് കെട്ടിത്തൂക്കി; 40 കാരന് പിഴ വിധിച്ച് കോടതി
Synopsis
പൂച്ചയെ കൊന്നതിന് ശേഷം വടിയില് കെട്ടിത്തൂക്കിയതിന്റെ ചിത്രമാണ് തെളിവായി സമര്പ്പിച്ചത്...
മുംബൈ: വീടിനുപുറത്തുവച്ച് പൂച്ചയെ സ്ക്രൂ ഡ്രൈവര് ഉപയോഗിച്ച് അതിക്രൂരമായി കൊലപ്പെടുത്തിയയാള്ക്ക് പിഴ വിധിച്ച് കോടതി. മഹാരാഷ്ട്രയിലാണ് 40 കാരനായ സഞ്ജയ് ഗഡെയ്ക്ക് കോടതി 9150 രൂപ പിഴ വിധിച്ചത്. മൃഗസംരക്ഷണപ്രവര്ത്തകരിലൊരാള് മുംബൈ പൊലീസിന് നല്കിയ പരാതിയിലാണ് ഇയാള്ക്കെതിരെ കേസെടുത്തത്.
പൂച്ചയെ കൊന്നതിന് ശേഷം വടിയില് കെട്ടിത്തൂക്കിയതിന്റെ ചിത്രമാണ് തെളിവായി സമര്പ്പിച്ചത്. ചിത്രം സോഷ്യല് മീഡിയയില് വൈറലായിരുന്നു. സഞ്ജയ് കുറ്റം ചെയ്തതായി കോടതി കണ്ടെത്തി. ഇയാള് കോടതിയില് കുറ്റം സമ്മതിക്കുകയും ചെയ്തു.
തന്റെ വീട് നശിപ്പിച്ചതിനാലാണ് പൂച്ചയെ കൊന്നതെന്ന് സഞ്ജയ് കോടതിയില് പറഞ്ഞു. സഞ്ജയ് മാനസികവും ശാരീരികവുമായി ആരോഗ്യവാനല്ലെന്നും അതിനാല് കുറഞ്ഞ ശിക്ഷ മാത്രമാണ് നല്കുന്നതെന്നും കോടതി വ്യക്തമാക്കി.
ഇന്ത്യയിലെയും ലോകമെമ്പാടുമുള്ള എല്ലാ Crime News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam