പട്രോളിംഗ് സംഘത്തെ കണ്ട് ഓടാൻ ശ്രമിച്ച് യുവാവ്, പിന്‍തുടര്‍ന്ന് പിടികൂടി പൊലീസ്, കണ്ടെത്തിയത് കഞ്ചാവ്

റൗഡി ലിസ്റ്റില്‍ ഉള്‍പ്പെട്ട യുവാവ് പൊലീസ് പട്രോളിംഗ് സംഘത്തെ കണ്ടതോടെ ഓടി രക്ഷപ്പെടാൻ ശ്രമിച്ച യുവാവിൽ നിന്ന് കണ്ടെത്തിയത് കഞ്ചാവ്

കോഴിക്കോട്: പൊലീസിനെ കണ്ട് ഓടിയ യുവാവിനെ പിടികൂടി പരിശോധിച്ചപ്പോള്‍ കിട്ടിയത് 1.44 കിലോ ഗ്രാം കഞ്ചാവ്. കല്ലായി മുഖദാര്‍ സ്വദേശി സമ്മു നിവാസില്‍ അബ്ദുല്‍ സമദ്(46) ആണ് ചെമ്മങ്ങാട് പൊലീസിന്റെ പിടിയിലായത്. കഴിഞ്ഞ ദിവസം മുഖദാര്‍ ജുമാമസ്ജിദിന് സമീപത്ത് വെച്ച് പൊലീസ് പട്രോളിംഗിനിടെയാണ് സമദ് പിടിയിലാകുന്നത്. 

ചെമ്മങ്ങാട് പൊലീസിന്റെ റൗഡി ലിസ്റ്റില്‍ ഉള്‍പ്പെട്ടയാളാണ് സമദ്. പൊലീസ് പട്രോളിംഗ് സംഘത്തെ കണ്ടയുടനെ സമദ് ഓടുകയായിരുന്നു. പൊലീസ് പിന്‍തുടര്‍ന്ന് പിടികൂടി പരിശോധിച്ചപ്പോഴാണ് കഞ്ചാവ് ലഭിച്ചത്. ഇയാള്‍ കോഴിക്കോട് കസബ സ്‌റ്റേഷനില്‍ ഉള്‍പ്പെടെ വിവിധ സ്റ്റേഷനുകളിലായി ആറോളം കേസുകളില്‍ പ്രതിയാണ്. കോടതിയില്‍ ഹാജരാക്കിയ അബ്ദുല്‍ സമദിനെ 14 ദിവസത്തേക്ക് റിമാന്റ് ചെയ്തു.

ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം