വിവാഹാവശ്യത്തിനായി നാട്ടിൽ പോയി, വന്നപ്പോള്‍ ​ഗ്രിൽ തകർത്ത നിലയിൽ; ഫ്ളാറ്റിൽ നിന്ന് സ്വർണവും പണവും കവർന്നു

എറണാകുളം ആലുവയിൽ ഫ്ളാറ്റിൽ നിന്നും എട്ട് പവനും 3 ലക്ഷം രൂപയും കവർന്നു. കമ്പനിപ്പടിക്ക് സമീപം ഫെഡറൽ സമുച്ചയത്തിന്റെ ഫ്ലാറ്റിലാണ് കവർച്ച നടന്നത്. 

കൊച്ചി: എറണാകുളം ആലുവയിൽ ഫ്ളാറ്റിൽ നിന്നും എട്ട് പവനും 3 ലക്ഷം രൂപയും കവർന്നു. കമ്പനിപ്പടിക്ക് സമീപം ഫെഡറൽ സമുച്ചയത്തിന്റെ ഫ്ലാറ്റിലാണ് കവർച്ച നടന്നത്. ഹരിയാന സ്വദേശി കൃഷ്ണകുമാർ ബൻസാലിന്റെ ഫ്ളാറ്റിലാണ്  കവർച്ച നടന്നത്. ആലുവയിൽ സ്റ്റീൽ ബിസിനസ് നടത്തുന്ന ബെൻസാൽ വിവാഹ ആവശ്യത്തിനായി 12-ാം തീയതി നാട്ടിലേക്ക് പോയിരുന്നു. ചൊവ്വാഴ്ച അർദ്ധരാത്രി തിരിച്ചെത്തിയപ്പോഴാണ് കവർച്ചാ വിവരം അറിയുന്നത്. ഗ്രിൽ തകർത്താണ് മോഷ്ടാക്കൾ അകത്തു കടന്നത്. ആലുവ പൊലീസ് കേസെടുത്ത് അന്വേഷണം തുടങ്ങി. കുടുംബവുമായി ബന്ധമുണ്ടായിരുന്ന നേപ്പാൾ സ്വദേശിയെ കേന്ദ്രീകരിച്ചും അന്വേഷണം നടക്കുന്നുണ്ട്.