ദില്ലിയില് മാധ്യമപ്രവര്ത്തകയ്ക്ക് അജ്ഞാതരുടെ വെടിയേറ്റു
Synopsis
വെടിയേറ്റ ശേഷവും മിതാലി കാര് നിര്ത്താതെ മുമ്പോട്ട് പോയപ്പോള് അക്രമി സംഘം കാറിന് നേര്ക്ക് മുട്ടയെറിഞ്ഞ ശേഷം രക്ഷപെടുകയായിരുന്നു.
ദില്ലി: ദില്ലിയില് മാധ്യമപ്രവര്ത്തകയ്ക്ക് കാറിനുള്ളില് വച്ച് വെടിയേറ്റു. നോയിഡയില് താമസിക്കുന്ന മിതാലി ചന്ദോലയ്ക്കാണ് ഞായറാഴ്ച അജ്ഞാതരുടെ വെടിയേറ്റത്.
രാത്രി 12.30 ക്ക് കാറില് സഞ്ചരിക്കുകയായിരുന്ന മിതാലിയുടെ കാറിനെ ഓവര്ടേക്ക് ചെയ്ത മുഖംമൂടി ധരിച്ച അക്രമികള് രണ്ട് തവണ വെടിയുതിര്ത്തു. വെടിയുണ്ട മിതാലിയുടെ കൈയില് തുളച്ചുകയറി. എന്നാല് വെടിയേറ്റ ശേഷവും മിതാലി കാര് നിര്ത്താതെ മുമ്പോട്ട് പോയപ്പോള് അക്രമി സംഘം കാറിന് നേര്ക്ക് മുട്ടയെറിഞ്ഞ ശേഷം രക്ഷപെടുകയായിരുന്നു.
ആശുപത്രിയില് പ്രവേശിപ്പിച്ച യുവതി അപകടനില തരണം ചെയ്തു. വ്യക്തിവൈരാഗ്യമാകാം കൃത്യത്തിന് പിന്നിലെന്നാണ് പൊലീസിന്റെ സംശയം. കേസ് രജിസറ്റര് ചെയ്ത പൊലീസ് പ്രതികള്ക്കായി തെരച്ചില് ആരംഭിച്ചു.
ഇന്ത്യയിലെയും ലോകമെമ്പാടുമുള്ള എല്ലാ Crime News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam