കെഎസ്ആർടിസി ബസിൽ കഞ്ചാവ് കടത്തിയ പ്രതികൾക്ക് 10 വർഷം തടവ് ശിക്ഷ

പത്തു വർഷം തടവിനൊപ്പം ഒരു ലക്ഷം രൂപ വീതം പിഴയും പ്രതികൾ അടയ്ക്കണം. 2019 ജൂണിലാണ് കേസിനാസ്പദമായ സംഭവം നടന്നത്

വയനാട്: കെഎസ്ആർടിസി ബസിൽ കഞ്ചാവ് കടത്തിയ കേസിൽ പ്രതികൾക്ക് 10 വർഷം തടവ് ശിക്ഷ. തിരുനെല്ലിയിൽ കെഎസ്ആർടിസി ബസിൽ 25 കിലോ കഞ്ചാവ് കടത്തിയ സംഭവത്തിലാണ് ശിക്ഷ വിധിച്ചത്. തെലങ്കാന സ്വദേശികളായ ഓങ്കാരി വെങ്കിടേഷ്, റാവുള്ള രാജേഷ്, സദാനന്ദം, വിശാഖപട്ടണം സ്വദേശിനികളായ പുഷ്പ ചിക്കാത്തി, സത്യ താമര എന്നിവരാണ് പ്രതികൾ. കൽപ്പറ്റ എൻഡിപിഎസ് സ്പെഷൽ കോടതി ജഡ്ജിയാണ് ശിക്ഷ വിധിച്ചത്. പത്തു വർഷം തടവിനൊപ്പം ഒരു ലക്ഷം രൂപ വീതം പിഴയും പ്രതികൾ അടയ്ക്കണം. 2019 ജൂണിലാണ് കേസിനാസ്പദമായ സംഭവം നടന്നത്.