വീട്ടിൽ നിരന്തരം വഴക്ക്; ഭാര്യയെയും അമ്മായിയമ്മയെയും കൊലപ്പെടുത്തി 28കാരന്; അരിവാളുമായി പൊലീസ് സ്റ്റേഷനില്
Synopsis
സംഭവദിവസം യുവാവ് വീട്ടിലെത്തിയതിന് പിന്നാലെ ഭാര്യയുമായി വഴക്കായി. തര്ക്കത്തിനിടെ അമ്മായിയമ്മ മകളെ പിന്തുണച്ച് രംഗത്തെത്തി. ഇതോടെ യുവാവ് കൂടുതല് പ്രകോപിതനാവുകയായിരുന്നു.
കാൺപൂര്: വഴക്കിനെ തുടര്ന്ന് 28 കാരന് ഭാര്യയെയും അമ്മായിയമ്മയെയും അരിവാള് കൊണ്ട് കൊലപ്പെടുത്തി. കാൺപൂരിലെ സര്ദാര് കോത്ത്വാലി പൊലീസ് സ്റ്റേഷന് ഏരിയയിലുള്ള ഹൗദപൂര്വയില് സംഭവം. പിറ്റേദിവസം യുവാവ് കൊലയ്ക്ക് ഉപയോഗിച്ച അരിവാളുമായി പൊലീസ് സ്റ്റേഷനില് കീഴടങ്ങുകയായിരുന്നു.
വ്യാഴാഴ്ച രാത്രിയാണ് കൊലനടത്തിയത്. വിവാഹത്തിന് പിന്നാലെ വീട്ടിൽ ഉണ്ടായ നിരന്തരം വഴക്കാണ് കൊലയ്ക്ക് പിന്നിലെന്ന് യുവാവ് പൊലീസിനോട് പറഞ്ഞു. സംഭവദിവസം യുവാവ് വീട്ടിലെത്തിയതിന് പിന്നാലെ ഭാര്യയുമായി വഴക്കായി. തര്ക്കത്തിനിടെ അമ്മായിയമ്മ മകളെ പിന്തുണച്ച് രംഗത്തെത്തി. ഇതോടെ യുവാവ് കൂടുതല് പ്രകോപിതനാവുകയായിരുന്നു.
തുടര്ന്ന് അരിവാളെടുത്ത് ഇയാള് ഭാര്യയെയും അമ്മായിയമ്മയെയും തലയറുത്ത് കൊലപ്പെടുത്തി. തുടര്ന്ന് മൃതദേഹം വീടിന് പിറകുവശത്ത് തള്ളി. പിറ്റേദിവസം ഇയാള് അരിവാളുമായി പൊലീസ് സ്റ്റേഷനില് കീഴടങ്ങുകയും ചെയ്തു. ഇയാള്ക്കെതിരെ കൊലപാതക കുറ്റം ചുമത്തിയതായി പൊലീസ് പറഞ്ഞു.
ഇന്ത്യയിലെയും ലോകമെമ്പാടുമുള്ള എല്ലാ Crime News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam