അഞ്ച് പെണ്കുട്ടികളുടെ പിതാവായ പന്നാലാല് എന്നയാളാണ് മുപ്പത്തിയഞ്ചുകാരിയായ ഭാര്യയുടെ വയറ് മൂര്ച്ചയേറിയ ആയുധമുപയോഗിച്ച് കീറിയത്. ഗുരുതരമായി പരിക്കേറ്റ യുവതിയെ ആശുപത്രിയില് പ്രവേശിപ്പിച്ചു.
നേക്പൂര് (ഉത്തര് പ്രദേശ്): പിറക്കാന് പോവുന്നത് ആണ്കുഞ്ഞാണോയെന്ന് പരിശോധിക്കാന് ഗര്ഭിണിയായ ഭാര്യയുടെ വയറ് കീറി പരിശോധിച്ച് ഭര്ത്താവ്. അഞ്ച് പെണ്മക്കള് ശേഷം ഭാര്യ വീണ്ടും ഗര്ഭിണിയായതോടെ ആണ്കുഞ്ഞാണോയെന്ന് അറിയാനുള്ള ശ്രമങ്ങളിലായിരുന്നു ഇയാള്. ശനിയാഴ്ച വൈകുന്നേരമാണ് ഉത്തര്പ്രദേശിലെ നേക്പൂരിലാണ് സംഭവം.
പന്നാലാല് എന്നയാളാണ് മുപ്പത്തിയഞ്ചുകാരിയായ ഭാര്യയുടെ വയറ് മൂര്ച്ചയേറിയ ആയുധമുപയോഗിച്ച് കീറിയത്. ഗുരുതരമായി പരിക്കേറ്റ യുവതിയെ ആശുപത്രിയില് പ്രവേശിപ്പിച്ചു. ഭര്ത്താവിനെ അറസ്റ്റ് ചെയ്ത് ഇയാള്ക്കെതിരെ എഫ്ഐആര് രജിസ്റ്റര് ചെയ്തതായി സിവില് ലൈന് പൊലീസ് സ്റ്റേഷനിലെ മുതിര്ന്ന് പൊലീസ് ഉദ്യോഗസ്ഥന് പ്രവീണ് സിംഗ് ചൌഹാന് എന്ഡി ടിവിയോട് പറഞ്ഞു. കേസില് അന്വേഷണം നടക്കുകയാണ്. അക്രമത്തിന് പിന്നില് മറ്റെന്തെങ്കിലും കാരണമുണ്ടോയെന്ന് പരിശോധിക്കുമെന്നും പ്രവീണ് സിംഗ് ചൌഹാന് വ്യക്തമാക്കി.
ബറേലി ആശുപത്രിയില് പ്രവേശിപ്പിച്ച യുവതിയുടെ നില ഗുരുതരമാണ്. ഏഴ് മാസം ഗര്ഭിണിയായിരുന്നു യുവതി. മകനെ വേണമെന്ന് അടിക്കടി പന്നാലാല് പറഞ്ഞിരുന്നതായി അയല്വാസികള് പ്രതികരിക്കുന്നു. യുവതിയുടെ നിലവിളി കേട്ടെത്തിയ അയല്ക്കാരാണ് ഇവരെ ആശുപത്രിയിലാക്കിയത്.