അരുവിക്കരയിൽ റേഡിയോ ഓഫ് ചെയ്ത ദേഷ്യത്തില്‍ ചേട്ടൻ അനുജനെ കമ്പി കൊണ്ട് തലക്കടിച്ച് കൊന്നു

കാച്ചാണി സ്വദേശി ഷമീർ (27) ആണ് മരിച്ചത്. കാച്ചാണി ബിസ്മി നിവാസിൽ ഹിലാലിനെ പൊലീസ് കസ്റ്റഡിയിലെടുത്തു. 

തിരുവനന്തപുരം: അരുവിക്കര കാച്ചാണിയിൽ ചേട്ടൻ അനുജനെ കമ്പിക്കൊണ്ട് തലക്കടിച്ച് കൊലപ്പെടുത്തി. ഇന്നലെ രാത്രി 12.30 യോടെയാണ് സംഭവം. കാച്ചാണി ബിസ്മി നിവാസിൽ ഷമീർ (27) ആണ് മരിച്ചത്. സഹോദരന്‍ ഹിലാലിനെ പൊലീസ് കസ്റ്റഡിയിലെടുത്തു.

മാനസികസ്വസ്ഥമുള്ള ചേട്ടൻ ഹിലാൽ ഉറങ്ങി കിടക്കുകയായിരുന്ന ഷമീറിനെ തലക്കടിച്ച് കൊലപ്പെടുത്തുകയായിരുന്നുവെന്ന് പൊലീസ് പറയുന്നു. രാത്രിയിൽ ഹിലാൽ പതിവായി ഉച്ചത്തിൽ റേഡിയോ വെക്കാറുണ്ടെന്നും ഇന്നലെ ഷമീർ അത് ഓഫ് ചെയ്തതിന്‍റെ വൈരാഗ്യത്തിലാണ് കൊലപാതകമെന്നും പൊലീസ് പറഞ്ഞു.