യുവതി വിവാഹാഭ്യർത്ഥന നിരസിച്ചതിൽ കുപിതനായ യുവാവ് അഞ്ച് കാല്നടയാത്രക്കാരെ കുത്തി പരിക്കേൽപ്പിച്ചു
Synopsis
ഹൃത്വിക്കും പെണ്കുട്ടിയും തമ്മില് കോളേജില് വെച്ച് പ്രണയത്തിലായിരുന്നു. സാമ്പത്തിക പ്രശ്നങ്ങള് മൂലം പെണ്കുട്ടി പഠനം നിര്ത്തി സ്വകാര്യ കമ്പനിയില് ജോലി ചെയ്യുകയും ഇരുവരും തമ്മില് അകലുകയും ചെയ്തിരുന്നു.
നാഗ്പൂര്: യുവതി വിവാഹഭ്യര്ഥന നിരസിച്ചതിൽ കുപിതനായ 19കാരന് അഞ്ച് കാല്നടയാത്രക്കാരെ കുത്തി പരിക്കേല്പ്പിച്ചു. മഹാരാഷ്ട്രയിലെ നാഗ്പൂരിലാണ് സംഭവം. ഹൃത്വിക് സോമേഷ് വിലാസ് പറട്ടാണ് അഞ്ച് പേരെ കുത്തി പരിക്കേൽപ്പിച്ചത്. രാജു നന്ദവര്, ജിതേന്ദ്ര മോഹദിഖര്, രമേഷ് നിഗര, പ്രതീഷ് കപ്രെ, ശെഖാവത്ത് അന്സാരി എന്നിവര്ക്കാണ് പരിക്കേറ്റത്.
ഹൃത്വിക്കും പെണ്കുട്ടിയും തമ്മില് കോളേജില് വെച്ച് പ്രണയത്തിലായിരുന്നു. സാമ്പത്തിക പ്രശ്നങ്ങള് മൂലം പെണ്കുട്ടി പഠനം നിര്ത്തി സ്വകാര്യ കമ്പനിയില് ജോലി ചെയ്യുകയും ഇരുവരും തമ്മില് അകലുകയും ചെയ്തിരുന്നു. എന്നാൽ കഴിഞ്ഞ ദിവസം ഹൃത്വിക് പെണ്കുട്ടിയെ കണ്ട് വിവാഹഭ്യര്ഥന നടത്തിയെങ്കിലും നിരസിക്കുകയായിരുന്നു.
തുടര്ന്ന് കുപിതനായ യുവാവ് കാല്നടയാത്രക്കാരായ അഞ്ചു പേരെ കുത്തുകയായിരുന്നു. പരിക്കേറ്റവരെ നാഗ്പൂരിലെ സ്വകാര്യ ആശുപത്രിയില് പ്രവേശിപ്പിച്ചിരിക്കുകയാണെന്ന് പൊലീസ് അറിയിച്ചു.
ഇന്ത്യയിലെയും ലോകമെമ്പാടുമുള്ള എല്ലാ Crime News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam