ജയലളിതയുടെ എസ്റ്റേറ്റിലെ കൊലപാതകം, കവർച്ച; ഒളിവിൽ കഴിഞ്ഞ പ്രതി പിടിയിൽ

2017 ഏപ്രിലിൽ ആണ് കവർച്ച നടന്നത്. കേസിൽ വിസ്താരം കഴിഞ്ഞ് വിധി പറയാനിരിക്കെ പ്രതികൾ ഒളിവിൽ പോവുകയായിരുന്നു. 

തൃശ്ശൂർ: അന്തരിച്ച തമിഴ്നാട് മുഖ്യമന്ത്രി ജയലളിതയുടെ, കോടനാട് എസ്റ്റേറ്റിൽ കാവൽക്കാരനെ കൊന്നു കവർച്ച നടത്തിയ കേസിൽ എഴാം പ്രതിയെ പൊലീസ് പിടികൂടി. ആളൂർ സ്വദേശി ഉദയകുമാറിനെയാണ് ചാലക്കുടി പൊലീസും തമിഴ്നാട് പൊലീസും ചേർന്ന് ഇന്നലെ പിടികൂടിയത്.. 

കൊരട്ടിയിൽ ഒളിവിൽ കഴിയുകയായിരുന്നു ഇയാൾ. പ്രതിയെ തമിഴ് നാട് പൊലീസിന് കൈമാറി. 2017 ഏപ്രിലിൽ ആണ് കവർച്ച നടന്നത്. കേസിൽ വിസ്താരം കഴിഞ്ഞ് വിധി പറയാനിരിക്കെ പ്രതികൾ ഒളിവിൽ പോവുകയായിരുന്നു.