നെടുമ്പാശ്ശേരിയിൽ ഒരു കിലോ സ്വർണ്ണ കാപ്സ്യൂൾ പിടികൂടി; ശുചിമുറിയിൽ ഉപേക്ഷിക്കപ്പെട്ട നിലയിലും സ്വർണ്ണം 

കസ്റ്റംസ് നടത്തിയ പരിശോധനയിലാണ് ക്യാപ്സ്യൂൾ രൂപത്തിലാക്കി ശരീരത്തിൽ ഒളിപ്പിച്ച സ്വർണം പിടികൂടിയത്. വിപണിയിൽ 45 ലക്ഷത്തിലേറെ വിലവരുന്ന സ്വർണമാണ് പിടികൂടിയത്.

കൊച്ചി : വിദേശത്ത് നിന്നും കടത്തിയ സ്വർണം, കൊച്ചി നെടുമ്പാശേരിയിൽ വിമാനത്താവളത്തിൽ പിടികൂടി. ഒരു കിലോ സ്വർണവുമായി ദുബൈയിൽ നിന്നെത്തിയ യാത്രക്കാരനെ അറസ്റ്റ് ചെയ്തു. കസ്റ്റംസ് നടത്തിയ പരിശോധനയിലാണ് ക്യാപ്സ്യൂൾ രൂപത്തിലാക്കി ശരീരത്തിൽ ഒളിപ്പിച്ച സ്വർണം പിടികൂടിയത്. വിപണിയിൽ 45 ലക്ഷത്തിലേറെ വിലവരുന്ന സ്വർണമാണ് പിടികൂടിയത്.

അതിനിടെ നെടുമ്പാശേരിയിൽ വിമാനത്തിന്റെ ശുചി മുറിയിൽ ഉപേക്ഷിക്കപ്പെട്ട നിലയിൽ 40 ലക്ഷം രൂപയുടെ സ്വർണം കണ്ടെത്തി. ദുബൈയിൽ നിന്നും നെടുമ്പാശേരിയിലെത്തിയ എയർ ഇന്ത്യ വിമാനത്തിന്റെ ശുചി മുറിയിലാണ് കസ്റ്റംസിന്റെ പരിശോധനയിൽ 815 ഗ്രാം സ്വർണം കണ്ടെത്തിയത്. പരിശോധനയിൽ പിടിക്കപ്പെടുമോയെന്ന ആശങ്കയിൽ സ്വർണവുമായി എത്തിയ യാത്രക്കാരൻ ഉപേക്ഷിച്ചതാകാമെന്നാണ് നിഗമനം.