കടയ്ക്കലിൽ മാനസിക രോഗിയായ എഴുപത്തിയഞ്ചുകാരിയ്ക്ക് പീഡനം. വയോധികയുടെ മകളുടെ രണ്ടാം ഭർത്താവിനെ കേസിൽ പൊലീസ് അറസ്റ്റ് ചെയ്തു. കടക്കൽ മേവനകോണം സ്വദേശിയാണ് അറസ്റ്റിലായത്.
കൊല്ലം: കടയ്ക്കലിൽ മാനസിക രോഗിയായ എഴുപത്തിയഞ്ചുകാരിയ്ക്ക് പീഡനം. വയോധികയുടെ മകളുടെ രണ്ടാം ഭർത്താവിനെ കേസിൽ പൊലീസ് അറസ്റ്റ് ചെയ്തു. കടക്കൽ മേവനകോണം സ്വദേശിയാണ് അറസ്റ്റിലായത്.
കഴിഞ്ഞദിവസം ഭാര്യ റേഷൻ കടയിൽ പോയിരുന്ന സമയത്ത് ഭാര്യാ മാതാവായ എഴുപത്തിയഞ്ചുകാരിയായ വൃദ്ധയെ ഇയാൾ വീടിനുള്ളിൽ വെച്ച് പീഡിപ്പിക്കുകയായിരുന്നു എന്ന് പൊലീസ് പറഞ്ഞു. നിലവിളി കേട്ട് അയൽവാസികൾ ഓടിയെത്തിയപ്പോൾ
വിവസ്ത്രയായി തറയിൽ കിടക്കുന്ന നിലയിലാണ് വയോധികയെ കണ്ടത്. പീഡിപ്പിച്ചതിനു ശേഷം വീട്ടിൽ നിന്നും ഇറങ്ങി പോകുന്ന പ്രതിയെ കണ്ടെന്നും നാട്ടുകാർ പൊലീസിന് മൊഴി നൽകി. 34വർഷമായി പേരൂർക്കട മാനസികാരോഗ്യകേന്ദ്രത്തിലെ ചികിത്സയിൽ കഴിഞ്ഞുവരികയാണ് പീഡനത്തിനിരയായ വായോധിക. കടയ്ക്കൽ പൊലീസിൽ നൽകിയ പരാതിയുടെ അടിസ്ഥാനത്തിലാണ് പ്രതിയെ അറസ്റ്റ് ചെയ്തത്.