കൊയിലാണ്ടിയിലെ 19 കാരിയുടെ ആത്മഹത്യ; അമ്മയുടെ അച്ഛൻ അറസ്റ്റിൽ

കൊയിലാണ്ടി കാപ്പാട് സ്വദേശിയായ അറുപത്തിരണ്ടുകാരനെയാണ് കൊയിലാണ്ടി പൊലീസ് അറസ്റ്റ് ചെയ്തത്. ഇയാൾക്കെതിരെ പോക്സോ, ആത്മഹത്യാപ്രേരണ എന്നീ വകുപ്പുകൾ ചുമത്തി പൊലീസ് കേസെടുത്തിട്ടുണ്ട്. 

കോഴിക്കോട്: കോഴിക്കോട് കൊയിലാണ്ടിയിൽ പത്തൊൻപതുകാരി ആത്മഹത്യ ചെയ്ത സംഭവത്തിൽ അമ്മയുടെ അച്ഛൻ അറസ്റ്റിലായി. കൊയിലാണ്ടി കാപ്പാട് സ്വദേശിയായ അറുപത്തിരണ്ടുകാരനെയാണ് കൊയിലാണ്ടി പൊലീസ് അറസ്റ്റ് ചെയ്തത്. ഇയാൾക്കെതിരെ പോക്സോ, ആത്മഹത്യാപ്രേരണ എന്നീ വകുപ്പുകൾ ചുമത്തി പൊലീസ് കേസെടുത്തിട്ടുണ്ട്. 

പെൺകുട്ടിയുടെ ആത്മഹത്യകുറിപ്പിൽ നിന്നാണ് പീഡന വിവരം പുറത്തറിയുന്നത്. ഈ മാസം 17നാണ് കുട്ടിയെ വീട്ടിൽ തൂങ്ങി മരിച്ച നിലയിൽ കണ്ടെത്തിയത്. കുട്ടിയുടെ ആത്മഹത്യകുറിപ്പ് വീട്ടുകാർ ഒളിപ്പിക്കാൻ ശ്രമം നടത്തിയിരുന്നു. പിന്നീട് നടത്തിയ  ആന്വേഷണത്തിലാണ് കുറിപ്പ് കണ്ടെത്തിയത്.  2016മുതൽ കുട്ടിയെ ഇയാൾ പലതവണ പീഡിപ്പിച്ചിരുന്നെന്നാണ് വിവരം.