ധോണിയുടെ നോയിഡയിലെ വീട്ടില് മോഷണം
Synopsis
മൂന്ന് എല് ഡി ഡി ടെലിവിഷനുകള് ഉണ്ടായിരുന്ന വീട്ടില് നിന്നും ഒരു ടിവി മോഷണം പോയതായി കണ്ടെത്തുകയായിരുന്നു.
നോയിഡ: മുന് ഇന്ത്യന് ക്യാപ്റ്റന് എംഎസ് ധോണിയുടെ ഉടമസ്ഥതയിലുള്ള വീട്ടില് മോഷണം നടന്നതായി പരാതി. ധോണിയുടെ ഉത്തര്പ്രദേശിലെ നോയിഡ സെക്ടര് 104-ലുള്ള വീട്ടിലാണ് മോഷണം നടന്നത്. ധോണി വാടകയ്ക്ക് നല്കിയിരിക്കുന്ന ഈ വീട്ടില് ഇപ്പോള് വിക്രം സിംഗ് എന്നയാളാണ് താമസിക്കുന്നത്.
വീട് പുതുക്കി പണിയുന്നതിനിടെയാണ് മോഷണം നടന്ന വിവരം സിംഗ് അറിയുന്നത്. മൂന്ന് എല് ഡി ഡി ടെലിവിഷനുകള് ഉണ്ടായിരുന്ന വീട്ടില് നിന്നും ഒരു ടിവി മോഷണം പോയതായി കണ്ടെത്തുകയായിരുന്നു. ഇതേ തുടര്ന്ന് വിക്രം സിംഗ് പൊലീസില് പരാതി നല്കി.
വീട്ടുജോലിക്ക് നിന്നിരുന്ന ജോലിക്കാരനെ ടിവി മോഷണം പോയ നാള് മുതല് കാണാതായെന്നും ഇയാളാകാം മോഷണത്തിന് പിന്നിലെന്നുമാണ് പരാതിക്കാരന്റെ സംശയം. മോഷണക്കുറ്റത്തിന് കേസെടുത്ത പൊലീസ് അന്വേഷണം ആരംഭിച്ചു.
ഇന്ത്യയിലെയും ലോകമെമ്പാടുമുള്ള എല്ലാ Crime News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam