കാറിലെത്തിയ അഞ്ചംഗ സംഘമാണ് ഇവരെ തട്ടിക്കൊണ്ട് പോയത്.വാഹനത്തിനുള്ളില്‍ വച്ച് ക്രൂരമായി മര്‍ദ്ദിച്ചു. വര്‍ക്കല ഭാഗത്ത് കൊണ്ടുപോയി പീഡിപ്പിച്ച ശേഷം ഇവരെ കൊല്ലം ബസ് സ്റ്റാൻറ് പരിസരത്ത് ഇറക്കി വിട്ടെന്നാണ് പരാതി
കൊല്ലം: തെന്മല സ്വദേശിയായ ട്രാന്‍സ് ജന്‍ററിനെ തട്ടിക്കൊണ്ടുപോയി പീഡിപ്പിച്ചെന്ന് പരാതി. ഇക്കഴിഞ്ഞ ചൊവ്വാഴ്ചയാണ് സംഭവം . തെന്മല സ്വദേശിയായ ട്രാൻസ്ജെണ്ടറും സുഹൃത്തും സ്കൂട്ടറില്‍ കൊട്ടാരക്കരയ്ക്ക് പോകും വഴിയാണ് കാറിലെത്തിയ അഞ്ചംഗ സംഘം ഇവരെ തട്ടിക്കൊണ്ട് പോയത് . വാഹനത്തിനുള്ളില്‍ വച്ച് ക്രൂരമായി മര്‍ദ്ദിച്ചു .വര്‍ക്കല ഭാഗത്ത് കൊണ്ടുപോയി പീഡിപ്പിക്കുകയും ചെയ്തെന്നാണ് പരാതി. അതിനുശേഷം ഇവരെ കൊല്ലം ബസ് സ്റ്റാൻറ് പരിസരത്ത് ഇറക്കി വിട്ടു. ഇവരുടെ കൈവശമുണ്ടായിരുന്ന സ്വര്‍ണവും പണവും തട്ടിയെടുക്കുകയും ചെയ്തെന്നും പരാതിയില്‍ പറയുന്നു .
റൂറല്‍ എസ് പിക്ക് പരാതി നല്‍കിയെങ്കിലും അന്വേഷണം കാര്യക്ഷമമല്ലെന്നാണ് ആരോപണം .അന്വേഷണം മനപൂര്‍വ്വം വൈകിപ്പിക്കുകയാണെന്നും ആരോപണമുണ്ട്. എന്നാൽ അന്വേഷണം പുരോഗമിക്കുകയാണെന്നാണ് കൊല്ലം റൂറൽ എസ് പി പറയുന്നത് .മാനഭംഗപ്പെടുത്തൽ , ദളിത് പീഡനം , പിടിച്ചുപറി, തട്ടിക്കൊണ്ടുപോകൽ എന്നീ വകുപ്പുകള്‍ അനുസരിച്ച് കേസെടുത്തിട്ടുണ്ട് .പ്രതികളെ തിരിച്ചറിഞ്ഞിട്ടുണ്ടെന്നും അറസ്റ്റ് ഉടൻ ഉണ്ടാകുമെന്നും എസ്പി കെ ജി സൈമണ്‍ പറഞ്ഞു