
ദില്ലി: ജ്വല്ലറിയിൽ നിന്ന് ലക്ഷങ്ങൾ വിലമതിക്കുന്ന സ്വർണ നെക്ലസ് മോഷ്ടിച്ച് സ്ത്രീ. മോഷണത്തിന്റെ വീഡിയോ ദൃശ്യങ്ങൾ സോഷ്യൽമീഡിയയിൽ വൈറലായതോടെയാണ് സംഭവം പുറത്തറിഞ്ഞത്. നവംബർ 17ന് ഉത്തർപ്രദേശിലെ ഗോരഖ്പൂരിലെ ജ്വല്ലറിയിലാണ് സംഭവം. ബൽദേവ് പ്ലാസയിലെ ബെച്ചുലാൽ സരഫ പ്രൈവറ്റ് ലിമിറ്റഡ് ജ്വല്ലറിയിൽ മാസ്കും കറുത്ത സൺഗ്ലാസും സാരിയും ധരിച്ച മധ്യവയസ്കയായ സ്ത്രീയാണ് അതിവിദഗ്ധമായി നെക്ലസ് മോഷ്ടിക്കുന്നത്.
ആഭരണങ്ങൾ നോക്കാനെന്ന വ്യാജേന യുവതി രണ്ട് പെട്ടികൾ മടിയിൽ വച്ചു. അതിൽഒരെണ്ണം മാത്രം കൗണ്ടറിൽ തിരികെ വയ്ക്കുകയും മറ്റൊന്ന് തന്ത്രപൂർവം സാരിക്കടിയിൽ ഒളിപ്പിക്കുകയും ചെയ്തു. വെറും 20 സെക്കന്റിനുള്ളിലാ ജീവനക്കാരെ കബളിപ്പിക്കാൻ കഴിഞ്ഞെങ്കിലും സിസിടിവിയിൽ മോഷണ ദൃശ്യം കൃത്യമായി പതിഞ്ഞു. പത്ത് ലക്ഷം രൂപ വരുന്ന മാലയാണ് സ്ത്രീ മോഷ്ടിച്ചതെന്നും അധികൃതർ പറഞ്ഞു. സംഭവത്തിൽ പോലീസ് കേസെടുത്ത് അന്വേഷണം തുടരുകയാണ്. മോഷ്ടാവിനെ പൊലീസ് ഇതുവരെ തിരിച്ചറിഞ്ഞിട്ടില്ല.
ഇന്ത്യയിലെയും ലോകമെമ്പാടുമുള്ള എല്ലാ Crime News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam