'500 മില്ലിയുടെ 22 കുപ്പികള്, നിറച്ചത് 11 ലിറ്റര് വിദേശമദ്യം'; യുവാവ് പിടിയില്
Synopsis
കൈനടി പൊലീസ് നടത്തിയ വാഹന പരിശോധനയ്ക്കിടെയാണ് സ്കൂട്ടറില് മദ്യം സൂക്ഷിച്ചതായി കണ്ടെത്തിയത്.
ആലപ്പുഴ: ഇരുചക്രവാഹനത്തില് വിദേശമദ്യം കടത്തുന്നതിനിടെ യുവാവിനെ അറസ്റ്റു ചെയ്തു. നീലംപേരൂര് പഞ്ചായത്ത് 13-ാം വാര്ഡ് കൈനടി പുതുപ്പറമ്പില് ചിറയില് ബിനീഷിനെയാണ് (കുഞ്ഞുമുത്ത്-29) കൈനടി പൊലീസ് അറസ്റ്റു ചെയ്തത്.
കൈനടി റോഡില് വാഴത്തോപ്പില് പാലത്തിന് കിഴക്കുവശത്തായി കൈനടി പൊലീസ് നടത്തിയ വാഹന പരിശോധനയ്ക്കിടെയാണ് സ്കൂട്ടറില് മദ്യം സൂക്ഷിച്ചതായി കണ്ടെത്തിയത്. 500 മില്ലിയുടെ 22 പ്ലാസ്റ്റിക് കുപ്പികളിലായി നിറച്ച 11 ലിറ്റര് വിദേശമദ്യം കസ്റ്റഡിയിലെടുത്തു. ഇന്സ്പെക്ടര് കെ. ബാലന്റെ നേതൃത്വത്തില് എസ്.ഐ. എ.ജെ. ജോയി, സിവില് പോലീസ് ഓഫീസര്മാരായ അഖില്, അഷിഷ്, ജയപ്രകാശ് എന്നിവര് ചേര്ന്നാണ് പ്രതിയെ അറസ്റ്റുചെയ്തത്. കോടതിയില് ഹാജരാക്കി റിമാന്ഡ് ചെയ്തു.
ഇന്ത്യയിലെയും ലോകമെമ്പാടുമുള്ള എല്ലാ Crime News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam